Ч.БЯМБАХАЖИД
“Данхар төрийн дарангуйллын эсрэг иргэд нэгдэж байна. АН хуваагдах нь тодорхой болжээ” гэх асуудлаар “Эрх чөлөө” ТББ-аас мэдээлэл хийлээ.
“Эрх чөлөө” ТББ-аас ирэх сарын 27-нд “Ерөнхий сайд Л.Оюун-Эрдэнэ огцор” гэх жагсаалыг зохион байгуулахаа мэдэгдлээ.
Энэ талаар Эрх чөлөө” ТББ-ын тэргүүн Ц.Чинбат “1990оноос хойш Монгол Улс амаргүй цаг хугацааг туулсан. Засгийн газар бодлого ярихаа больсон. Мөн дарангуйллын нэг хэлбэр Сэтгүүлзүйн салбарт илэрч байна. Улмаар хэвлэлийн эрх чөлөө рүү дайрч, үг хэлэх,хэвлэн нийтлэх эрхийг хааж боож байна. Даргад үйлчилдэг төрийн алба, хууль хяналтын байгууллага, цагдаа нартай болчихлоо.
Бид жагсаал хийхээр өнгөрсөн хоёрдугаар сарын 12-27-ныг дуустал иргэдийн гарын үсгийг цуглуулж, 100 гаруй мянган иргэн гарын үсгээ зурсан байгаа. Ирэх дөрөвдүгээр сарын 27-нд болох “Оюун-Эрдэнэ огцор” жагсаалд иргэдийг идэвхтэй оролцохыг уриалж байна” гэв.
Эх сурвалж: zms.mn