Төмөрбаатарын БАТСАЙХАН
УИХ-ын гишүүн Б.Түвшинтэй цаг үеийн асуудлаар ярилцлаа.
“Намаараа талцахаасаа илүү нэгдэн нийлж, гарц шийдэл хайсан чуулган боллоо”
-УИХ-ын чуулганы завсарлагааны хугацаанд та тойрогтой ажиллаж байна уу. Ер нь намрын чуулган ямар үр дүнтэй болов. Энэ тухай яриагаа эхэлье?
-Монгол Улсын парламентын түүхэнд анх удаа 126 гишүүнтэй УИХ хуралдаж намрын чуулганаа өндөрлүүллээ. УИХ-ын гишүүдийн тоо нэмэгдсэн нь олон талаар давуу байдлыг бий болгосон гэж би дүгнэж байгаа. Олон нийтийн хувьд ч янз бүрийн л байр суурьтай байх шиг байна. Энэ удаагийн намрын чуулганы хуралдааны хамгийн гол онцлог бол намаараа талцахаасаа илүү нэгдэн нийлж, хамтарсан Засгийн газрыг байгуулсан явдал болно. Нөгөө талаас аливаа хуулийн төслийг нээлттэй байдлаар хэлэлцэн, мэтгэлцсэн чуулган боллоо. Нэн ялангуяа Монгол Улсын 2025 оны төсвийн хуулийг нээлттэй ил тод мэтгэлцсэн байдлаар хэлэлцсэн. Монгол Улсын төсөв одоо явж байгаа энэ загвараараа явах нь зөв үү буруу юу. Үнэхээр оновчтой шийдэл мөн эсэх тал дээр илүү ярилцлаа. Энэ утгаараа ч өмнөх парламенттай харьцуулахад шийдэл, гарц хайсан, олон талаас нь харсан, мэргэжлийн дуу хоолой туссан хэлэлцүүлэг бүхий чуулганы хуралдаанууд өрнөлөө хэмээн харж байна.
-Та УИХ-ын гишүүнээр сонгогдохоосоо өмнө хувийн хэвшлийн дуу хоолой болж ажиллаж ирсэн. Харин одоо парламентын бүрэлдэхүүнд багтаж, Монгол Улсын хууль эрх зүй болоод хөгжлийн бодлого тодорхойлон ажиллаж байна. Мэдээж нэлээд ялгаа зааг мэдрэгдэж байгаа болов уу. Ер нь УИХ-ын гишүүний эрх үүрэг зэргийг хэрхэн хүлээн авч байна?
- Би хувийн хэвшил гэхээсээ илүү мэргэжлийн байгууллагыг төлөөлж ирсэн. Ялангуяа нягтлан бодох бүртгэл, санхүү, татвар, даатгал зэрэг мэргэжлийн байгууллагын стандартыг нэвтрүүлэх, олон улстай хөл нийлүүлэх, энэ талаар судалгаа, шинжилгээний ажил хийх сургалт явуулах, багш сурган хүмүүжүүлэгчдийн мэргэжлийн зэргийг ахиулах зэрэг ажлуудыг хийж байсан. Энэ ч утгаараа УИХ-ын бүрэлдэхүүнд ороод хууль эрх зүй, хөгжлийн бодлогыг тодорхойлоход илүү мэргэжлийн хандлагын үүднээс ажиллах хэрэгтэй юм байна гэж хүлээж авсан.
Үргэлжлэлийг zuuniimedee.mn сайтаас цахим сонин захиалан уншаарай.
Эх сурвалж: “Зууны мэдээ” сонин
2025 ОНЫ ХОЁРДУГААР САРЫН 25. МЯГМАР ГАРАГ. № 37, 38 (7533, 7534)