Ц.МЯГМАРБАЯР

АНУ-ын Элчин сайдын яамнаас зохион байгуулсан сонгууль ажиглах өдөрлөгийн үеэр “АНУ-ын ерөнхийлөгчийн сонгуулийн талаарх Монголчуудын үзэл бодол”  хэлэлцүүлэг болсон юм. Тус хэлэлцүүлэгт судлаач С.Баясгалан, Л.Бямбаханд, Б.Мөнхнаран нар оролцов. Тэдний байр суурийг хүргэе.

АНУ-ын Гадаад бодлогын шинжээч Л.Бямбаханд: Хоёр нам бодлогоороо ялгардаг

-Сонгуулийн системээс хамаарч хоёр намын хооронд хүчтэй өрсөлдөөн болж байна. Ардчилсан намын хувьд олон улсын харилцаандаа либерал чиглэлийн үзэл, бодол  баримталдаг. Өөрөөр хэлбэл, олон улстай илүү найрсаг, түншлэгч байдлаар хандаж илүү хүний эрхийг дээдэлж дэлхий даярх АНУ манлайллаа хэвээр хадгалахыг хүсдэг. БНН-ын хувьд илүү цэрэг, стратегийн бодлого баримталдаг. Нэр дэвшигчид баримтлах бодлогоо намынхаа үзэл бодолд тулгуурлаж зарласан. Дональд Трамп ялбал Орос, Украйны дайныг яралтай зогсоох хэлэлцээр хийх ёстой гэж үзэж байгаа. АН-аас нэр дэвшигч  Камила Харрис ялбал Орос Украйны дайн илүү удаан үргэлжлэх магадлалтай гэж үзэхийн зэрэгцээ Газын зурвас дах нөхцөл байдал цааш хэрхэх нь тэдний хэн ялахаас шалтгаална. АН-ын хувьд Украйныг дэмжсэн хэвээр байх болно. Украйны аюугүй байдал НАТО- гийн улсуудад  чухал учраас хамгаалсан, дэмжсэн хэвээр байна гэж байгаа.

С.Баясгалан: Энэ удаагийн сонгууль нь гаднаас том сорилттой тулгарсан сонгууль болж байна

-БНН-ын барууны үзэл бодолтой нам.Түүн дотроо аливаа зүйлийг хүчээр буюу мөнгөөр хийдэг. АН бол ардчилал, хүний эрхийг дээдэлдэг. Энэ үзэл нь жишээлбэл, Украйнд АН зэвсэг, мөнгө өгөхдөө ардчиллыг хамгаалж байна гэж өгдөг бол ББН нам зэвсэг, мөнгө өгөхдөө хэмжээ хязгаартай өгөх хэрэгтэй гэж үздэг гэж хэлж болно. Үүгээрээ энэ хоёр намын үзэл баримтлал ялгарч  илэрхийлэгддэг. Энэ удаагийн сонгууль нь гаднаас том сорилттой тулгарсан сонгууль болж байна. Урд өмнөх сонгуулиар гаднаас ямар нэг дарамт учруулах, сорилт бэрхшээл үзүүлж байгаагүй. Түүнчлэн Дональд Трамп гадаад цагаачдыг хумих бодлого явуулдаг. Тэр бодлого нь хэвээр үргэлжилнэ. Мөн АНУ-ын тулгамдсан асуудал нь Хятад улс байна. Тэрдундаа Трамп ялбал  АНУ, БНХАУ-ын худалдааны дайны асуудалд хурцдмал байдал үүсэхийг гүйгүйсэхгүй.

Б.Мөнхнаран:Дональд Трамп ялах, ялагдахаас  үл хамааран “трампизм” үлдэх  тодорхой болох нь

- Дональд Трамп ялах, ялагдахаас  үл хамааран “трампизм” үлдэх  тодорхой болох нь. Энэ юу гэсэн үг вэ гэвэл 1940 онд тогтсон АНУ-ын харилцааны дэг. Дэлхийн номер нэг энэ гүрэнг “дэлхий цагдаа” гэж хардаг. Тэгэхээр сонгуулийн үр дүнгээс үл хамаарч тус улс энэ ажлаа цаашид хэвээр хийж чадах уу. Энэ ажлаа хийвэл ямар түвшинд хийх вэ гэдэг нь асуудал болж үлдэх нь. Харин дараа дараагийн гарч ирэх хүмүүст “трампизм”-ын шинж чанарыг авч үлдэхээр байна.

Эх сурвалж: www.polit.mn