Б.ГАРЬД
Энэ УИХ анхныхаа улсын төсвийг хэлэлцэж байна. Урьд урьдны УИХ-аас огт өөрөөр, ер нь бол жинхэнэ хэлэлцүүлэг өрнөв. Төсвийн шүүсийг ч чадлаараа шахах шиг болов. Түүний зэрэгцээ шинэ гишүүдийн зарим нь хэн нь хэн бэ гэдгээ ч таниулж амжив. Мэдээж, 126 гишүүнтэй, тэдний нэг хэсэг нь намуудын жагсаалтаар, нэлээд нь тойрогт нэр дэвшиж сонгогдсон болохоор байр суурийн зөрүү ч гарч байгаа харагдлаа. Жишээлбэл, тойрогтой гишүүд “Таван тэрбум”-ын эрх мэдэл авах гэж чамгүй чардайв. Харин жагсаалтын гишүүд, дээрээс нь тойргоос сонгогдсон шинэ гишүүд түүнийг нь дэмжихгүй, шүүмжлэлтэй хандаж байв. Нэг үгээр хэлбэл, парламентын ардчилал сая нэг цухалзаж эхлэв бололтой.
Үүний нэг илрэл болсон эрхэм гишүүдийн шилжилт хөдөлгөөн ч болох чимээ сураг дуулдаад явчихлаа. УИХ дахь МАН-ын бүлгийн энэ долоо хоногийн хурлын дараа хоёр ч гишүүн намаа солих шийдвэрийг гаргажээ. Уг нь МАН-ынхан бүлгийнхээ хуралдаанаар гурван асуудал хэлэлцсэн байна. УИХ-ын тухай хууль болон хуралдааны дэг, УИХ-ын хяналт шалгалтын тухай хууль зэрэг бусад эрх зүйн актад нийцүүлэн УИХ дахь МАН-ын бүлгийн үйл ажиллагааны дүрэм болон хуралдааны дэгийг шинэчилж баталжээ. Бүлгийнх нь шинэчилсэн дүрэмд “…Аливаа асуудалд олон ургалч үзлээр хандаж, гишүүдийн тэгш оролцоог хангах, мэргэжлийн байгууллагууд болон иргэний нийгмийн байгууллагуудтай хамтран ажиллах” зэргийг онцгойлон тусгасан байна. Мөн “…УИХ дахь МАН-ын бүлэг нь сахилга, хариуцлага, дэг журамтай, хөгжлийн төлөө, бодлогыг манлайлагч улс төрийн хүчин байх бөгөөд амласнаа хэрэгжүүлдэг, амжилтыг дэмжиж, алдааг засдаг, хариуцлага тооцож чаддаг намын бүлэг байх болно” гэж оруулжээ.
Тэгвэл үүний дараа УИХ-ын гишүүн Г.Тэмүүлэн, Д.Энхтүвшин нар УИХ-д суудалтай өөр намд элсэхээр болжээ. Тэд энэ шийдвэрийнхээ дараа ирэх оны төсөвтэй холбоотой хэвлэлийн хурал зарлаж байр сууриа илэрхийлжээ. Ер нь бол УИХ-ын гишүүн Г.Тэмүүлэнгийн тухайд “…Хоёрдугаар хэлэлцүүлгийн дараа төсөв задардаггүй, тийм хуультай” гэдгийг хамгийн сайн мэднэ. Гэвч “Таван тэрбум”-аас нь эхлээд санал санаачилга нь дэмжлэг авалгүй, ерөнхийдөө үзэл санааны хувьд зөрчилдөж ийм шийдвэрт хүрчээ. Тэрээр “Үндэсний эвсэл”-д элсэхээр болжээ. Харин МҮХАҮТ-ын танхимын ерөнхийлөгч Д.Энхтүвшин ХҮН намд орох юм байна. Ингэхээр удахгүй УИХ дахь хүчнмй харьцаанд зохих өөрчлөлт орохоор болж байна. МАН хоёр суудлаар хорогдож, ХҮН нам, “Үндэсний эвсэл” тус бүр нэг суудлаар нэмэгдэх бололтой.
Эх сурвалж: “Зууны мэдээ” сонин
2024 ОНЫ АРВАННЭГДҮГЭЭР САРЫН 6. ЛХАГВА ГАРАГ. № 215 (7459)
Төрийн өмчит компанийн ногдол ашгийн орлогыг төсөвт тусгах хуулийн төслийг хэлэлцэж эхэллээ
УИХ-ын намрын ээлжит чуулганы өчигдрийн хуралдаанаар Төсвийн тогтвортой байдлын тухай хуульд нэмэлт оруул
Өчигдөр 06 цаг 00 мин
Монгол–Японы сургалтын эмнэлгийн бүтээн байгуулалтад хувь нэмэр оруулсан К.Шинохара тус эмнэлэгт зочиллоо
Япон Улсын бизнес эрхлэгч, нийгмийн зүтгэлтэн Кэсао Шинохара өнөөдөр АШУҮИС-ийн харьяа М
Уржигдар 14 цаг 42 мин
Банк, санхүүгийн салбарын эмэгтэйчүүдийн чуулганы үеэр Голомт банк тогтвортой хөгжлийг дэмжих хамтын ажиллагаанд нэгдлээ
“Санхүү, банкны эмэгтэйчүүдийн холбоо”-ны 10 жилийн ойн хүрээнд “Тогтвортой, ногоон,
Уржигдар 06 цаг 15 мин
2026.10.21: Улстөрчдийн хэн юу хэлэв
Засгийн газрын ээлжит хуралдаан өчигдөр болж, холбогдох байнгын хороод хуралдав. Өчигдөр болсон үйл явдлаас “Улстөрчдийн хэн юу хэлэв” буландаа онцлон хүргэж байна.
Уржигдар 06 цаг 00 мин
Н.Учрал: Дөрвөн сонголтоор 40 мянган айлыг орон сууцжуулна
Ерөнхий сайд Н.Учрал “50 мянган яндан буулгах, 100 мянган айлын орон сууц" үндэсний хөтөлбөр эхэлсн
Уржигдар 06 цаг 00 мин
Өндөр хүчдэлийн түгээх шугам дахь махчин шувуу хамгааллын ажлын үр дүн хэлэлцэх хурал болж олон нийтэд зориулсан вэбсайт танилцууллаа
Монгол орны хээрийн махчин шувуудыг өндөр хүчдэлийн түгээх шугамд хүчдэлд
Уржигдар 06 цаг 00 мин
JUNIOR CUP: Ангиараа оноо цуглуулж, шагналын төлөө өрсөлдөөрэй
SocialPay Junior аппликэйшнийг хэрэглэдэг дунд болон ахлах ангийн сурагчдад зориулсан JUNIOR CUP оноо цуглуулах хөтөлбөр хэрэгжиж байна.
2026-10-21
Дижитал арт, электрон хөгжимтэй “Kharkhorum halloween” Steppe arena-д болно
Энэ зун Төв Цэнгэлдэх Хүрээлэнг доргиож, бүтэн сарын турш цахим ертөнцийн тренд сэдэв болж чадса
2026-10-21
НҮБ ноцтой эрсдэлтэйг анхааруулав
Йемений гурав дахь том хот Таизыг хуситууд бараг бүрэн бүсэлж, ихэнх нийлүүлэлтийн замыг таслан иргэдийг "ноцтой эрсдэлд" оруулсан гэж НҮБ мэдэгдлээ. Хуситууд болон Засгийн газрын хүчний хүнд тулалдаанаас хүн ам шигүү суурьшсан хороолол ихээхэн сүйдсэн байна.
2026-10-21
Путин, Трамп, Си Жиньпин нар гурвалсан уулзалт хийж магадгүй
Аль тал нь тус бүр албан ёсоор батлаагүй ч, Шэньжэнь хотод болох АПЕК-ийн дээд хэмжээний уулзалт
2026-10-21