Т.САЙХАН

УИХ-ын гишүүн Д.Энхтүвшин төсвийн зардалтай холбоотой асуудлаар Үндсэн хуулийн цэцэд хандана гэдгээ мэдэгдлээ. Тэрээр цахим хуудастаа "Төсвийн зарим урсгал зардлууд иймэрхүү л өсөлттэй байна. 2025 онд төсвийн урсгал зардлыг 2023 оноос 53 хувиар нэмэгдүүлж 26 их наяд төгрөг болгох гэж байна.

Татвар, НДШ-ээ буулгаач гэхээр боломжгүй гэдэг мөртлөө иймэрхүү үрэлгэн урсгал зардлыг бүрэн чадлаараа дэмждэг сангийн яамтай. Ийм сангийн яамнаас татварын реформ хүлээгээд хэрэггүй юм байна. Тэгсэн мөртлөө УИХ-ын гишүүдийн Үндсэн хуулиар олгогдсон хууль тогтоох эрхийг хязгаарлан татварын хууль санаачлах эрхгүй болгосон. Татварын бодит реформ хиймээр байна, иргэд, аж ахуйн нэгжүүдэд танах юм юу ч үлдсэнгүй. Харин одоо төсвийн урсгал зардлыг тултал нь танамаар байна. Хууль тогтоох эрх хязгаарласан асуудлаар үндсэн хуулийн цэцэд хандана" гэжээ.

Эх сурвалж:www.polit.mn