Р.ОЮУН

ОХУ-ын архив, манай батлан хамгаалахын архиваас нууцын зэрэглэлээс гарсан Халх голын тулааны талаарх ховор баримтууд дөрөв дэх газраа нүүж ирсэн үзэсгэлэн Буриадын нийслэл Улаан-Үүдэд нээгдсэн байв. Энэ үзэсгэлэнд тавьсан ховор баримт гэвэл маршал Х.Чойбалсан гуай дайн эхэлсний дараа ард түмэндээ хандаж тусгай тогтоол гаргасан байдаг. Мөн Оросын архиваас Гадаад явдлын яамны орлогч даргад нь бичиж байсан захидал, Гэндэн гуайн “Хилийн манаанд үүрэг гүйцэтгэж байгаа цэргийн албан хаагчдад зөв зааварчилгаа өгөөч, хөрш зэргэлдээ улс орнуудын хилийн амгалан тайван байдлыг алдагдуулж байгаадаа дахин сургамж, зааварчилгаа өгч ажиллана уу” гэсэн гар бичмэл, Жуков жанжны өөрийнх нь гар бичмэлүүд, түүхэнд нэрээ дуурсгаж үлдсэн хүмүүсийн талаарх ховор баримт, бичмэлүүд үзэсгэлэнг минь чимж байна. Оросын ард түмэн зүрхээ шимшрүүлж сонсдог. Би олон жил Жуковын музейд ажиллаж байна. Эх орондоо тангараг өргөх гэж явсан орос залуус өнөөдөр Дорнод аймгийн Халх голын хөрсөнд унтаж байгаа. Хэн ч гэсэн өөрийн хамаатан садныг олж, тодруулчих юмсан гэдэг. Энэ утгаараа их хүндэтгэлтэй ханддаг, энэ түүхийг мартдаггүйд нь би баярлаж, талархаж явдаг хэмээн ЗХУ-ын маршал, Г.К.Жуковын дурсгалын музейн эрхлэгч, дэд хурандаа Д.Амартайван ярьж байлаа.

Эх сурвалж www.polit.mn