Б.ГАРЬД
Монголын улс төрд тодорхой нөлөөтэй залуучуудын байгууллагаар МАН-ын Залуучуудын холбоог нэрлэж болно. Тус холбооны ерөнхийлөгч байсан У.Хүрэлсүх, Г.Занданшатар, Л.Оюун-Эрдэнэ, Г.Тэмүүлэн нар өдгөө Монгол Улсын Ерөнхийлөгч, Ерөнхий сайд, ЕТГ-ын дарга, УИХ-ын гишүүн болсон. Мөн дэд ерөнхийлөгч зэрэг албыг нь хашиж, бусад байдлаар энэ холбоонд зүтгэж байсан залуус өдгөө Монголын төрд, улс төрд ид ажиллаж байна.
Тус холбоо эхлээд Монголын ардчилсан социалист залуучуудын холбоо /МАСЗХ/, дараа нь Нийгмийн ардчилал Монголын залуучуудын холбоо /НАМЗХ/ нэртэйгээр 25 жил үйл ажиллагаа явуулсан. Улмаар хоёр жилийн өмнөөс нэрээ Социал демократ Монголын Залуучуудын холбоо /СДМЗХ/ болгосон байдаг.
Тэгвэл тус СДМЗХ-ныхон өнгөрсөн бямба гаригт Их хурлаа хийжээ. СДМЗХ-ноос “...Их хурлаараа холбооны үйл ажиллагааны үндсэн стратегийг, мөн удирдлага, түүний баг бүрэлдэхүүнийг шинэчилнэ” гэж мэдээлсэн. Тэр дагуу СДМЗХ-ны шинэ ерөнхийлөгчөө сонгожээ. Таван жил ерөнхийлөгчөөр ажилласан Н.Учрал ажлаа өгсөн байна. МАН-ын дарга Л.Оюун-Эрдэнэ түүний дараа энэ албыг залгуулах хүнээр МАН-ын Намын байгуулалтын газрын дарга, СДМЗХ-ны дэд ерөнхийлөгч Б.Пүрэвдагвыг нэр дэвшүүлж, төлөөлөгчдийнх нь дийлэнх дэмжсэнээр тус холбооны ерөнхийлөгчөөр сонгожээ.
Б.Пүрэвдагва “…СДМЗХ-нд гишүүнээр элсэхдээ заавал социал демократ үзэл баримтлалтай байх албагүй. Харин биднийг сонгосон гишүүддээ SDY үзэл баримтлалаа тайлбарлан таниулж, боломж олгож, дэмжлэг үзүүлж ажиллана. Биднийг сонгох суурь шалтгааныг тодорхой болгож өгнө. Тэргүүлэх дөрвөн чиглэлд, хувь хүний болон нийгмийн дэвшилтэт хөгжилд хөтлөх нэн тэргүүний 16 зорилт бүхий дэвшилтэт хөгжлийн стратеги төлөвлгөөг хэрэгжүүлнэ. Мөн залуусын байгууллагад аль нэг хүйсийн төлөөллийг 40 хувьтай байлгахаар зорьж ажиллана” гэжээ.
Түүнчлэн маргааш нь буюу ням гаригт тус холбооны Бага хурал болж, өмнөх тэргүүн дэд ерөнхийлөгч, дэд ерөнхийлөгч, Удирдах зөвлөлийн гишүүдийг чөлөөлж, шинээр сонгожээ.
Үүнээс гадна СДМЗХ-ноос 1980-аад оноос хойш төрсөн залуус хасагдаж, 1990 оноос хойш төрсөн залуус үлдэх зохицуулалтыг хийсэн байна.
Ер нь бол ингэж 1980-аад оныхныг холбооныхоо “данс”-наас хассан нь МАН-ын Залуучуудын байгууллага өмнөх 27 жилийн “улс төрийн амбиц”-ыг үргэлжлүүлж буйтай холбож ойлгож болохоор байна. Бас шинэ ерөнхийлөгч нь “…СДМЗХ-нд гишүүнээр элсэхдээ заавал социал демократ үзэл баримтлалтай байх албагүй” гэснийг үүнтэй уяж болох юм.
Нөгөөтээгүүр МАН, АН, ХҮН-ын хамтарсан Засгийн газар 2025 оныг “Залуучуудын жил” болгон зарласан. “…Энэ хүрээнд оюутан, залуучуудын чөлөөт цагаараа ажил, хөдөлмөр эрхлэх, гарааны бизнес эрхлэх эрх зүйн орчныг сайжруулж, нийгмийн идэвх, оролцоог дэмжинэ” гэсэн. Тэгэхээр МАН-ын залууст Засгийн газрын энэ хөтөлбөрийг холбоондоо хамгийн сайн ашиглаж, дэмжлэг авч ажиллах боломж байгаа юм.
Эх сурвалж: “Зууны мэдээ” сонин
2024 ОНЫ ЕСДҮГЭЭР САРЫН 17. МЯГМАР ГАРАГ. № 180 (7424)
Төрийн өмчит компанийн ногдол ашгийн орлогыг төсөвт тусгах хуулийн төслийг хэлэлцэж эхэллээ
УИХ-ын намрын ээлжит чуулганы өчигдрийн хуралдаанаар Төсвийн тогтвортой байдлын тухай хуульд нэмэлт оруул
7 цаг 40 мин
Монгол–Японы сургалтын эмнэлгийн бүтээн байгуулалтад хувь нэмэр оруулсан К.Шинохара тус эмнэлэгт зочиллоо
Япон Улсын бизнес эрхлэгч, нийгмийн зүтгэлтэн Кэсао Шинохара өнөөдөр АШУҮИС-ийн харьяа М
22 цаг 58 мин
Банк, санхүүгийн салбарын эмэгтэйчүүдийн чуулганы үеэр Голомт банк тогтвортой хөгжлийг дэмжих хамтын ажиллагаанд нэгдлээ
“Санхүү, банкны эмэгтэйчүүдийн холбоо”-ны 10 жилийн ойн хүрээнд “Тогтвортой, ногоон,
Өчигдөр 06 цаг 15 мин
2026.10.21: Улстөрчдийн хэн юу хэлэв
Засгийн газрын ээлжит хуралдаан өчигдөр болж, холбогдох байнгын хороод хуралдав. Өчигдөр болсон үйл явдлаас “Улстөрчдийн хэн юу хэлэв” буландаа онцлон хүргэж байна.
Өчигдөр 06 цаг 00 мин
Н.Учрал: Дөрвөн сонголтоор 40 мянган айлыг орон сууцжуулна
Ерөнхий сайд Н.Учрал “50 мянган яндан буулгах, 100 мянган айлын орон сууц" үндэсний хөтөлбөр эхэлсн
Өчигдөр 06 цаг 00 мин
Өндөр хүчдэлийн түгээх шугам дахь махчин шувуу хамгааллын ажлын үр дүн хэлэлцэх хурал болж олон нийтэд зориулсан вэбсайт танилцууллаа
Монгол орны хээрийн махчин шувуудыг өндөр хүчдэлийн түгээх шугамд хүчдэлд
Өчигдөр 06 цаг 00 мин
JUNIOR CUP: Ангиараа оноо цуглуулж, шагналын төлөө өрсөлдөөрэй
SocialPay Junior аппликэйшнийг хэрэглэдэг дунд болон ахлах ангийн сурагчдад зориулсан JUNIOR CUP оноо цуглуулах хөтөлбөр хэрэгжиж байна.
Уржигдар 14 цаг 13 мин
Дижитал арт, электрон хөгжимтэй “Kharkhorum halloween” Steppe arena-д болно
Энэ зун Төв Цэнгэлдэх Хүрээлэнг доргиож, бүтэн сарын турш цахим ертөнцийн тренд сэдэв болж чадса
Уржигдар 14 цаг 10 мин
НҮБ ноцтой эрсдэлтэйг анхааруулав
Йемений гурав дахь том хот Таизыг хуситууд бараг бүрэн бүсэлж, ихэнх нийлүүлэлтийн замыг таслан иргэдийг "ноцтой эрсдэлд" оруулсан гэж НҮБ мэдэгдлээ. Хуситууд болон Засгийн газрын хүчний хүнд тулалдаанаас хүн ам шигүү суурьшсан хороолол ихээхэн сүйдсэн байна.
Уржигдар 11 цаг 33 мин
Путин, Трамп, Си Жиньпин нар гурвалсан уулзалт хийж магадгүй
Аль тал нь тус бүр албан ёсоор батлаагүй ч, Шэньжэнь хотод болох АПЕК-ийн дээд хэмжээний уулзалт
Уржигдар 11 цаг 29 мин