Л.Хулан
“Алтаргана” наадам нь анх 1994 онд Хэнтий аймгийн Дадал суманд “Буриад дууны уралдаан” нэртэйгээр зохиогдож байсан бол өдгөө Дэлхийн Монголчуудын хамгийн том эвэнт, зан заншлын баяр болон өргөжиж 15 дахь удаагаа Монгол Улсын Ерөнхийлөгчийн ивээл дор долоодугаар сарын 26, 27-ны өдрүүдэд Булган аймагт зохион байгуулагдах гэж байна. Тус наадамд зөвхөн буриад зон олон төдийгүй бүх үндэстэн ястнууд оролцох боломжтой юм. “Алтаргана” наадамд зориулан Монгол улсын Засгийн газраас тэрбум төгрөг төсөвлөсөн ч одоогийн байдлаар 70 сая төгрөг олгожээ. Ийм ч учраас тус наадмыг санаачлан зохион байгуулагчид Монгол улсын Ерөнхийлөгч У.Хүрэлсүхтэй уулзах хүсэлт тавьсан байна.
Мөн тус наадамд спорт, урлагийн их наадам, дөрвөн насны морьдын уралдаан, буриад бөхийн барилдаан, буриад ардын болон орчин үеийн буриад дуу дуулах, эсээ бичлэг, буриад үндэсний хувцас урлах, баримтат болон уран сайхны киноны уралдаан гэх мэт 14 төрлийн уралдаан тэмцээнийг явуулж шилдгийн шилдэг номинациудыг шалгаруулна. Зохион байгуулагдаж буй уг тэмцээнүүдэд оролцохоор 4600 хүн бүртгүүлжээ.
Эх сурвалж:www.polit.mn