Т.САЙХАН

Сонгуулийн ерөнхий хорооноос УИХ-ын 2024 оны сонгуулийн үр дүнгээр ялалт байгуулсан хүмүүст УИХ-ын гишүүний үнэмлэхийг нь өнөөдөр /07.01/ гардууллаа. Энэ үеэр УИХ-ын гишүүн Ч.Лодойсамбуу хамтарсан Засгийн газар байгуулах эсэх дээр байр сууриа илэрхийллээ.

УИХ-ын гишүүн Ч.Лодойсамбуу "Найман жилийн алдаа завхрал ярьж ярьчхаад наймыг нь 12 болгоё гэж ярьж явж болохгүй. Гэхдээ бодит байдал бий. Үнэн. Энэ юу вэ гэхээр улс төрийн нам гэдэг бол улс төрийн сонгуульд өрсөлдөхдөө тодорхой хэмжээний эрх мэдлийг хэрэгжүүлэх замаар бодлого, мөрийн хөтөлбөрөө хэрэгжүүлье гэж явдаг. Энэ бол зөв. Гэхдээ бодитой ямар ажил байгаа юм бэ гэхээр нарийн нухацтай сайн ярилцах хэрэгтэй. Үнэхээр улс орны эрх ашиг тусгаар тогтнолд шууд нөлөөлөхүйц зоригтой алхмуудыг хийхгүйгээр зүгээр нэг хамтрал явж ерөөсөө болохгүй. Энэ бол шинэ МАНАН бий болгох санал тавьж байгаа гэж үзэж байгаа. Хувь гишүүний л байр суурь гэдгийг ойлгоорой. Гишүүд өөр, өөрсдийнхөө байр суурийг хэлэхээр АН-ынхан хагараад байна, бутараад байна гэж ойлгов. Үүнийг сэвчихдэг шүү. Бид нар нээлттэй ярьдгаараа онцлогтой гэдгийг ойлгох хэрэгтэй. Бүлэг дээр нэлээд ярих байх" гэв.

Эх сурвалж:www.polit.mn