Т.САЙХАН

УИХ-ын сонгуулийн дүн гарч, МАН АН болон ХҮН намтай хамтарсан Засгийн газар байгуулах асуудал яригдаж байна.  Энэ асуудалд  ХҮН нам ялбал Засгийн газарт орж ажиллахаар уригдаад байсан, ХҮН намын гишүүн Д.Энхбат өөрийн цахим хуудастаа дараах байр суурийг илэрхийлжээ.  Тэрээр " Ардчилсан сонгуулиар олонх болсон нь Засаг барьж, цөөнх нь сөрөг хүчин болж хяналт тавих мандатыг шийддэг. Энэ нь эрх мэдлийг салгах ардчиллын тулгуур зарчим юм. Харин сонгуулийн дараа намууд тохирч, сонгуулийн үр дүнг засч, эрх мэдлийг төвлөрүүлэхийг Зөвшилцөл буюу дарангуйлал үүсгэх алхам гэж үздэг. Намууд тохирч хяналтгүй төрийг үүсгэх зөвшилцлийг Эйн Рэнд өөрийн номондоо фашизм үүсгэх алхам гэж тодорхойлсон байдаг. Зөвшилцөл бол хяналтгүй төр, нэг намын тогтолцоог далдуур үүсгэх алхам юм. Мөн ардчилсан сонгуулийн утга учрыг үгүйсгэх алхам. Тиймд Зөвшилцлийг дэмжиж байгаа, үгүйгээр нь чухам намуудыг Ардчиллын төлөө явж бгаа, үгүйг тод ялган харж болно. Жич: Төрийн өмчтэй дарангуйллыг коммунизм, харин хувийн өмчтэй дарангуйллыг фашизм гэдэг. Бид харин фашизмыг Германы нацизм буюу национал-социализмаар илүү төсөөлдөг" гэлээ.  Түүний бичсэнээр бол хэрэв ХҮН нам олон санал авсан бол лавтай бусдыгаа хамтаръя гэж урихгүй байсан бололтой. 

Эх сурвалж:www.polit.mn