Д.АРИУН

Хэрлэн голын урсгалыг тасалдуулахгүйгээр ус хуримтлуур барьж, усыг говийн бүсэд  ашиглах техник эдийн засгийн тооцоо, судалгааг Л.Оюун-Эрдэнийн Засгийн газар эрдэмтэн судлаачдаар хийлгэсэн бөгөөд одоо гагцхүү  үүнийг ажил хэрэг болгох, хийх хэрэгтэй байгаа аж. Энэ талаар УИХ-ын гишүүн, Говийн бүсийн тойрогт нэр дэвшигч Б.Дэлгэрсайхан саяхан Монгол Комментын М.Батбилэг сэтгүүлчид өгсөн ярилцлагадаа дурдсан байна. Уг ярилцлага нь Batbileg Myagmarjav гэсэн пейж дээр орсон байна.

Б.Дэлгэрсайхан гишүүн хэлэхдээ “Хүн болгон, нам болгон, нэр дэвшигч болгон ус ярьж байгаад би баяртай байна. Энэ ажлыг хийхэд, хийгээд эхлэхэд саад болохгүй болж эхэлж байна гэж харж байна” гэсэн байна. 

Мөн тэрбээр, энэ  төсөл нь шинжлэх ухааны үндэстэй. Зүгээр нэг дураараа яриад байгаа юм биш. Үүнийг Оюун-Эрдэнийн Засгийн газар эрдэмтэн судлаачдаар судлуулаад техник эдийн засгийн үндэслэлийг хийгээд тооцоог гаргаад шийдчихсэн. Одоо ганцхан ярих биш, хийх. Бид сонгууль хийж болно оо, гэрээ шатаачихгүй л сонгууль хиймээр байгаа юм. Тэгэхгүй бол хойд урд хөршөө муулаад, бараг л шоу хийх болгондоо Аюулгүйн зөвлөлийн нэр бариад байж болохгүй гэсэн байна.

Эх сурвалж: www.polit.mn