Говийн бүсэд МАН-аас нэр дэвшигч УИХ-ын гишүүн Б.Дэлгэрсайхан саяхан Монгол Комментын М.Батбилэг сэтгүүлчид ярилцлага өгсөн байна. Ярилцлага нь Batbileg Myagmarjav гэсэн пейж дээр орсон байна. Энэ ярилцлагад Дэлгэрсайхан гишүүний говийн хөгжлийн талаар “Говийн бүс нутаг Монголын эдийн засгийг авч яваа хамгийн том бүс нутаг” гэсэн байна.
Бас хөрш зэргэлдээ аймгуудын хөгжлийн ялгааг хэзээ арилгах вэ гэдгийг “Дундговь хэзээ Дорноговь шиг болох вэ, хэзээ Сайншанд шиг Мандах наран хороололтой болох вэ гэсэн асуултад УИХ-ын гишүүн Б.Дэлгэрсайхан хариулахдаа “2016 онд Дорноговь аймгаас сонгогдохдоо орон сууцжуулна гэж амласан. Тэр дагуугаа бүтээн байгуулалтын ажилд хөрөнгө оруулж хийсэн. Замын-Үүд, Сайншанд гээд дэд бүтэц дагасан олон сумдад нийтдээ 3000 гаруй айлын орон сууж барьсан. Нэг метр квадрат нь 650 мянгаар. Орон сууцжуулж байгаагаа дагаад түрээсийн орон сууц, сайн багш, эмч урьж ажиллуулах хөтөлбөрийг хэрэгжүүлсэн.
Хөдөө орон нутгийг орон сууцжуулах ёстой. Хөдөөгийн хүүхдүүд хотынхтой адилхан боловсрол мэдээлэл авах ёстой. Бас хөдөөгийнхөн хотынхтой адилхан эмнэлгийн тусламж үйлчилгээ авах ёстой. Энэ ажлыг одоо говийн бүсийн аймгуудад хэрэгжүүлэх боломж гарч ирж байна. Угаасаа МАН-ын мөрийн хөтөлбөрт ч байгаа. 300 мянган аймгийн орон сууц барьж ипотекийн зээлийн хөтөлбөрт хамруулна, 60 мянган айлын түрээсийн орон сууц барина гэж оруулсан байгаа. Тэгэхээр хэрэгжих боломжтой, хэрэгжүүлэх боломжтой” гэж хариулсан байна.