М.ЧИНБИЛЭГ

Салбар салбарын тэргүүлэгчид, шинийг санаачлагчдыг “Leaderships forum” буландаа Монгол Улсын хөгжлийн гарц, боломжийн талаар ярилцаж тэдний сонирхолтой шийдэл, санааг уншигчдад хүргэдэг билээ. Энэ удаагийн зочноор “Бодлогод залуусын хяналт” ТББ-ын Удирдах зөвлөлийн дарга Ц.Мандхайхатаныг урьж, ярилцсан ба түүний хэлсэн онцлох 10 эшлэлийг хүргэж байна.

-Бид хууль тогтоомжид хяналт тавьж, Үндсэн хуулийн нэмэлт өөрчлөлт зэрэг ардчиллыг бэхжүүлэхэд ач холбогдолтой хуулиудад санал зөвлөмж өгдөг.

-Олон мандаттай тойргийн сонгуульд саналаа өгөх нь сонгогчдод бэрхшээлтэй тул иргэд маань мэдлэг, мэдээлэлтэй байх хэрэгтэй.

-УИХ-д залуучууд, эмэгтэйчүүд, нийгмийн зарим бүлэг сонгогдож чадахгүй байгаа нь сонгуулийн сурталчилгааны зардал өндөр байгаатай холбоотой”

-Манай ажиглагчид цалин мөнгөгүй, сайн дураар ажилладаг нам бус, төрийн албан хаагч бус сонгогчдыг төлөөлөгчид ажилладаг.

-Намыг сонгох буюу холимог тогтолцоог давуу тал гэж харж байна.

-Гадаадын улс оронд иргэний нийгмийн ажиглагчид нь бүтэн суудаг, үүнийг нь эрх зүйн орчноор нь хангаж өгсөн газар ховор байдаг. Энэ нь манай орны хувьд том амжилт.

-Сонгуулийн хөөсөрсөн энэ их зардлыг бууруулах аргыг бусад улс орноос суралцах хэрэгтэй.

-Сонгогчийн саналыг гээгдүүлэхгүй байх боломжтой болж байгаа ч энэ давуу талаа хэрхэн ашиглах вэ гэдэг нь бидний сонголтоос хамаарч байна.

-Анх бид 2017 онд Ерөнхийлөгчийн сонгуульд ажиллахад гурван нам, гурван нэр дэвшигчээс нийлээд 17-хон хуудас материал авч байсан. Харин бид 2020, 2021 оны сонгуульд 100 гаруй боть, 30 гаруй мянган хуудас сонгуулийн зардлын тайлангийн мэдээлэл авсан. 

-Сонгуулийн зардал өндөр байгаа нь ардчиллыг бэхжүүлэхэд сөргөөр нөлөөлөх талтай ба гарааны шударга бус байдлыг бий болгох эрсдэлтэй”

Эх сурвалж:www.polit.mn