Н.ЖАРГАЛМАА
Европын холбоо Хятадад үйлдвэрлэсэн цахилгаан автомашинд ногдох татварын хэмжээг нэмэгдүүлэх тухай шийдвэр гаргасан. Үүний дараахан БНХАУ-ын Худалдааны сайд Ван Вэнтао энэ сарын 1-нд Европын холбоонд суугаа Хятадын худалдааны танхим болон тус улсын аж ахуйн нэгжийн төлөөллүүдтэй дугуй ширээний уулзалт зохион байгуулсан. Тэрээр уулзалтын үеэр нөхцөл байдалтай нарийн танилцаж “Бидний байр суурь маш тодорхой. Эдийн засаг, худалдааны аливаа нэг маргаантай асуудлыг яриа хэлэлцээрийн аргаар шийдвэрлэх боломжийг эрэлхийлнэ” гэжээ. Өнгөрсөн бямба гарагт Европын холбооны дэд ерөнхийлөгч Валдис Домбровскис, ХБНГУ-ын Эдийн засгийн сайд Роберт Хабек болон бусад албаны хүн Шанхайд айлчилж цахилгаан автомашинтай холбоотой татварын асуудлаар хэлэлцээрийг эхлүүллээ.
Европын статистикийн хороо Евростатын 2023 оны тайланд дурдсанаар Европын холбооны Хятадтай хийсэн худалдааны алдагдал 291 тэрбум еврод хүрчээ. Харин 2022 онд 397 тэрбум хүрч сүүлийн 10 жилийн хамгийн өндөр үзүүлэлт гарсан байна. Хоёрхон жилийн дотор 100 гаруй тэрбум еврогийн хооронд хэлбэлзэж байгаад эрх баригчид анхаарал хандуулж эхэлсэн байна. Улмаар Хятадад үйлдвэрлэсэн цахилгаан автомашинд 38 хүртэлх хувийн татвар ногдуулах мэдэгдэл гаргасан. Хэрэв Европын холбоо, Хятадад үйлдвэрлэсэн цахилгаан машинд 20 хувийн татвар ногдуулахаар шийдвэл хоёр талын эдийн засагт үзүүлэх нөлөө дөрөв орчим тэрбум ам.долларт хүрч болзошгүй хэмээн Киелийн хүрээлэн тооцоолжээ. Ингэснээр Европын зах зээлээс 125 мянга гаруй хятад автомашин цөөрөх юм.
АНУ өнгөрсөн сард Хятадын цахилгаан автомашинд ногдуулах 25 хувийн татвараа 100 болгон нэмэгдүүлэх шийдвэр гаргасан. Энэ нь Европын холбооны дээрх үйлдэлд нөлөө үзүүлсэн байх боломжтой хэмээн олон улсын ажиглагчид үзжээ. Харин Герман улс Европын холбооноос гаргасан татварыг шүүмжиллээ. Тус улсын Тээврийн сайд Волкер Виссинг “Импортын татварыг огцом нэмэгдүүлэх нь худалдааны дайн үүсгэх эрсдэлтэй” гэсэн байна. Мөн тэрээр өөрийн цахим хуудаснаа “Европын комиссын шийдвэр Германы автомашин үйлдвэрлэгчид болон тэдний бүтээгдэхүүнүүдэд сөрөг нөлөө үзүүлж байна” хэмээн нийтэлсэн. Учир нь Бээжингийн зүгээс Франц коньяк, гахайн мах зэрэг Европын холбооноос импортолдог бүтээгдэхүүнд үнийн хяналт шалгалт хийж эхэлсэн байна. Үүнд мэдээж тансаг зэрэглэлийн “Citroën”, “Peugeot”, “Vauxhall” автомашин үйлдвэрлэгчдийг мөн хамруулсан байна. Европын холбоон дахь Хятадын худалдааны танхим “Хятадад үйлдвэрлэсэн цахилгаан автомашины дийлэнх нь дотоодын зах зээлд зориулагдсан. 12.6 хувийг экспортод гаргадаг. Үүнээс тав орчим хувь буюу 470 мянган автомашин Европын холбооны зах зээлд нийлүүлэгддэг” гэв.
Европын холбоо ирэх сарын 4-нийг хүртэл Хятадаас импортолж буй цахилгаан автомашиныг татварыг 38.1 хувиар тооцож, хяналтыг арваннэгдүгээр сар хүртэл үргэлжлүүлэх ба татварыг таван жилийн хугацаатай ногдуулахаар төлөвлөжээ.
Эх сурвалж: “Зууны мэдээ” сонин
2024 ОНЫ ЗУРГААДУГААР САРЫН 25. МЯГМАР ГАРАГ. № 125 (7369)
Монгол–Японы сургалтын эмнэлгийн бүтээн байгуулалтад хувь нэмэр оруулсан К.Шинохара тус эмнэлэгт зочиллоо
Япон Улсын бизнес эрхлэгч, нийгмийн зүтгэлтэн Кэсао Шинохара өнөөдөр АШУҮИС-ийн харьяа М
12 цаг 42 мин
Банк, санхүүгийн салбарын эмэгтэйчүүдийн чуулганы үеэр Голомт банк тогтвортой хөгжлийг дэмжих хамтын ажиллагаанд нэгдлээ
“Санхүү, банкны эмэгтэйчүүдийн холбоо”-ны 10 жилийн ойн хүрээнд “Тогтвортой, ногоон,
21 цаг 9 мин
2026.10.21: Улстөрчдийн хэн юу хэлэв
Засгийн газрын ээлжит хуралдаан өчигдөр болж, холбогдох байнгын хороод хуралдав. Өчигдөр болсон үйл явдлаас “Улстөрчдийн хэн юу хэлэв” буландаа онцлон хүргэж байна.
21 цаг 24 мин
Н.Учрал: Дөрвөн сонголтоор 40 мянган айлыг орон сууцжуулна
Ерөнхий сайд Н.Учрал “50 мянган яндан буулгах, 100 мянган айлын орон сууц" үндэсний хөтөлбөр эхэлсн
21 цаг 24 мин
Өндөр хүчдэлийн түгээх шугам дахь махчин шувуу хамгааллын ажлын үр дүн хэлэлцэх хурал болж олон нийтэд зориулсан вэбсайт танилцууллаа
Монгол орны хээрийн махчин шувуудыг өндөр хүчдэлийн түгээх шугамд хүчдэлд
21 цаг 24 мин
JUNIOR CUP: Ангиараа оноо цуглуулж, шагналын төлөө өрсөлдөөрэй
SocialPay Junior аппликэйшнийг хэрэглэдэг дунд болон ахлах ангийн сурагчдад зориулсан JUNIOR CUP оноо цуглуулах хөтөлбөр хэрэгжиж байна.
Уржигдар 14 цаг 13 мин
Дижитал арт, электрон хөгжимтэй “Kharkhorum halloween” Steppe arena-д болно
Энэ зун Төв Цэнгэлдэх Хүрээлэнг доргиож, бүтэн сарын турш цахим ертөнцийн тренд сэдэв болж чадса
Уржигдар 14 цаг 10 мин
НҮБ ноцтой эрсдэлтэйг анхааруулав
Йемений гурав дахь том хот Таизыг хуситууд бараг бүрэн бүсэлж, ихэнх нийлүүлэлтийн замыг таслан иргэдийг "ноцтой эрсдэлд" оруулсан гэж НҮБ мэдэгдлээ. Хуситууд болон Засгийн газрын хүчний хүнд тулалдаанаас хүн ам шигүү суурьшсан хороолол ихээхэн сүйдсэн байна.
Уржигдар 11 цаг 33 мин
Путин, Трамп, Си Жиньпин нар гурвалсан уулзалт хийж магадгүй
Аль тал нь тус бүр албан ёсоор батлаагүй ч, Шэньжэнь хотод болох АПЕК-ийн дээд хэмжээний уулзалт
Уржигдар 11 цаг 29 мин
2026.10.20: Улстөрчдийн хэн юу хэлэв?
УИХ-ын холбогдох байнгын хороод 2027 оны Төсвийн төслийг хэлэлцэж эхэллээ.
Уржигдар 06 цаг 00 мин