Энтони Блинкен. Зураг: Ибрахим Аль Омари / Ройтерс

Д.АРИУН 

БНСУ-ын Гадаад хэргийн сайд Чо Тэ Юл, АНУ-ын Төрийн нарийн бичгийн дарга Энтони Блинкен нар Орос, Хойд Солонгосын хооронд байгуулсан шинэ гэрээг “Азийн бүс нутгийн энх тайван, тогтвортой байдалд ноцтой заналхийлж байна” гэж буруутгасан байна. Энэ талаар Өмнөд Солонгосын Гадаад хэргийн яамны мэдэгдэлд үндэслэн Ройтерс өнөөдөр мэдээлсэн байна.
"АНУ Орос, Хойд Солонгосын олон улсын энх тайван, тогтвортой байдалд заналхийлэхэд хариу арга хэмжээ авах янз бүрийн арга замыг авч үзэх болно" гэж уг мэдэгдэлд тэмдэглэсэн байна.
АНУ-ын Төрийн нарийн бичгийн дарга  мөн "АНУ Өмнөд Солонгосын хэлэлцээрт хариу арга хэмжээ авахыг дэмжиж” байгаа гэдгийг бас дурдсан байна. 
Зургаадугаар сарын 19-нд ОХУ-ын Ерөнхийлөгч В.Путин, БНАСАУ-ын удирдагч Ким Жон Ун нар хоёр улсын хооронд стратегийн иж бүрэн түншлэлийн хэлэлцээрт гарын үсэг зурсан. Шинээр байгуулсан хэлэлцээрт, Орос, Хойд Солонгос аль нэгнийх нь эсрэг түрэмгийлэл үйлдсэн тохиолдолд харилцан нэн даруй туслахаар тохиролцсон нь олон улсын хэмжээнд өргөн маргаан хэлэлцүүлгийн сэдэв болж, улс орнууд байр сууриа илэрхийлж байна. 

Эх сурвалж: www.polit.mn