Т.САЙХАН

МАН-ын ерөнхий нарийн бичгийн дарга Д.Амарбаясгалан СЕХ-нд бичиг хүргүүлсэн талаараа мэдээлэл өглөө. Д.Амарбаясгалан "МАН-ын сонгуулийн төв штабаас хоёр хоногийн өмнө улс төрийн шийдвэр гаргасан. Энэхүү шийдвэр нь Өвөрхангай аймгийн Сант суманд болсон золгүй явдалтай холбоотой. МАН-аас УИХ-ын 1-р тойрогт нэр дэвшигч Г.Сайханбаярын штабтай гэрээ байгуулан ажиллаж байсан П.Отгонбаатарын гэмт үйлдэлтэй холбогдуулан Г.Сайханбаярын сонгуулийн сурталчилгааг зогсоох шийдвэр гаргасан. Уг шийдвэрээ СЕХ-нд хандан албан бичгээр хүргэлээ.Энэ сарын 15-16-нд шилжих шөнө иргэн Б амь насаа алдсан эмгэнэлт явдал болсон. Амь хохироогч П.Отгонбаатар нь нэр дэвшигч Г.Сайханбаярын штабтай гэрээ байгуулан ухуулагчаар ажиллахаар явж байсан учраас бид ёс зүйн хариуцлага хүлээлгэсэн. Нэр дэвшигч Г.Сайханбаярын хувьд тухайн гэмт хэрэгт холбогдогчтой уулзаж, гэрээ хэлцэл байгуулаагүй хэдий ч МАН-ын зүгээс сонгуулийн үйл ажиллагааг илүү хариуцлагатай, эмх замбараатай явуулах үүднээс уг шийдвэрийг гаргасан.Гэвч энэ явдлын зарим нам, нэр дэвшигч кампанит ажлынхаа хэсэг болгон ашиглаж байгааг нэр дэвшигчийн зүгээс харамсаж байгаагаа илэрхийлсэн байна.Нэр дэвшигчийн сонгуулийн кампанит ажлыг бүрэн зогсоосон гэдгийг хариуцлагатайгаар хэлье" гэв.  УИХ-ын сонгуулийн нэгдүгээр тойрогт нэр дэвшигчГ.Сайханбаяр "Би сонгуулийн сурталчилгаагаа цаашид үргэлжлүүлж, өрсөлдөөд явна" хэмээн мэдэгдээд байсан билээ. 

Эх сурвалж:www.polit.mn