Одоогоос найман жилийн өмнө Авьяаслаг монголчууд шоуны тайзнаа Б.Шижирбат авьяасаараа шүүгчдийг гайхшируулж, үзэгчдийг телевизийн өмнө “уяж” чадсан. Тэгвэл түүнтэй ижил нэртэй Г.Шижирбат хэмээх залуу УИХ-ын энэ удаагийн сонгуульд олноос ялгагдаж байна. Түүнийг УИХ-д байх ёстой хүн гэж тодорхойлмоор. Иргэд улсаа хөгжүүлж, амьдрал ахуйгаа сайжруулъя гэвэл Ганбаатарын Шижирбатыг дэмжих цаг нэгэнт иржээ. Түүнд  уужуу ухаан, хэтийг харсан хөгжлийн төлөвлөгөө бий.  

Хүн зөвхөн өөрийгөө бодоод амьдарч болно. Харин Г.Шижирбатад  хувиа хичээсэн амин ч үзэл  байхгүй гэдэг нь тод харагдана. Мэддэг, чаддаг зүйлээ эх орныхоо хөгжилд зориулахаар зориг шулуудсан, эрдэмтэй, мэдлэгтэй нэгэн юм. Энэ удаагийн парламентад орвол иргэдийн амьдралд нийцсэн хууль батлахаас гадна өнгөрсөн хугацаанд хийгдээгүй олон ажил сэдэж, хот хөгжинө, хүмүүс эрүүл орчинд аж төрнө. 

Төрд иргэдийг төлөөлөх гишүүн зөвд зөөлөн, бурууд хатуу, үзэл бодлын тогтсон чиг шугамтай, шунахай сэтгэлгүй байх ёстой. Тэгж л улс орон хөгжиж урагшилна. Мөн иргэдэд тулгамдаж буй асуудлыг сонсдог, дорвитой арга хэмжээ авдаг байх чухал. Түүнээс бус сайхан зүйл ярьдаг, хэрэгжүүлдэггүй хүн УИХ-д огтоос хэрэггүй. Сонгууль дуусаж амьдрал үргэлжилнэ. Гэхдээ хүнээ таньж зөв сонголт хийх хариуцлагатай үе иржээ. Тиймээс мөрийн хөтөлбөр, хүнийг нь таньж сонголт хийвэл иргэдийн амьдрал сайжрах нь тодорхой.