Т.САЙХАН

Өнгөрсөн жилийн наадмын түрүү бөх, Архангай аймгийн харьяат М.Бадарчийн улсын арслан цолыг хураах ерөнхийлөгчийн зарлиг гарсан болохыг эх сурвалж мэдээлэв. Тэрээр допинг хэрэглэсэн нь тогтоогдсон юм.

Ингэснээр аймгийн хурц арслан Б.Баянмөнхийг тав давсанд тооцож улсын начин, өсөх идэр начин Э.Дашийг зургаа давсанд тооцож улсын харцага, улсын харцага С.Сүхбатыг долоо давсанд тооцож улсын заан, улсын гарди Ц.Бямба-Отгоныг ес давсанд тооцож улсын арслан цол олгохоор болж байна. Харин улсын аварга О.Хангай “үлэмж бадрах” чимэг нэмэх аж. 

Баяр наадмыг зохион байгуулах Үндэсний хорооноос "Бөхтэй холбоотой допингийн маргаантай асуудал дээр нэгэнт эцсийн шийдвэр гарсан учраас допинг хэрэглэсэн бөхийн цолыг хурааж дараагийн бөхөд нь цол, чимэг олгох тухай Үндэсний хороо шийдвэрээ гаргаад Монгол Улсын Ерөнхийлөгчид уламжилсан" гэж мэдээлж байв.

Эх сурвалж:www.polit.mn