Т.САЙХАН

Төсвийн байнгын хорооны өнөөдрийн /05.31/ хуралдаанаар Монгол Улсын Ерөнхий аудитороор Д.Загджавыг томилохыг хэлэлцэн дэмжлээ.  УИХ-ын дэд дарга Л.Мөнхбаатар " УИХ-ын 2019 оны тавдугаар сарын 09-ний өдрийн 46 дугаар тогтоолоор щ Ерөнхий аудитороор Доржсүрэнгийн Занданбатыг зургаан жилийн хугацаагаар томилсон бөгөөд 2023 оны арванхоёрдугаар сарын 28-ны өдөр өөрийнх нь хүсэлтийг үндэслэн Монгол Улсын Ерөнхий аудиторын ажлаас чөлөөлсөн. Төрийн албаны тухай хуульд заасны дагуу төрийн албан тушаалд нөхөн томилогдсон этгээдийн бүрэн эрхийн хугацаа нь өмнөх албан тушаалтны бүрэн эрхийн үлдсэн хугацаатай адил байх зохицуулалттай бөгөөд нөхөн томилогдсон этгээд нь жил хүрэхгүй хугацаанд ажиллана.   Д.Загджав нь Монгол Улсын Ерөнхий аудиторын орлогчийн албан тушаалыг эрхэлдэг бөгөөд холбогдох хуульд заасны дагуу Ерөнхий аудиторын албан үүргийг түр орлон гүйцэтгэж байгаа тул Төрийн албаны тухай хуульд заасан нөхөн томилох үлдсэн хугацаанд Монгол Улсын Ерөнхий аудитороор томилуулах саналыг танилцуулж байна"  гэв.

УИХ-ын  гишүүн Х.Баделхан: -Ерөнхий аудиторт төрийн болон орон нутгийн байгууллагын хариуцлагатай удирдах албан тушаалыг хашиж байсан туршлагатай хүнийг нэр дэвшүүлж буйг дэмжиж байгаагаа илэрхийлээд цаашид төрийн санхүү, төсвийн хяналтыг хараат бусаар хэрэгжүүлэх байгууллагыг үйл ажиллагааг шинэ шатанд гаргах, авлига, хээл хахуулиас ангид ажиллаж, аудиторуудын чадавхыг сайжруулахад анхаарч ажиллах шаардлагатай" гэлээ. 

Эх сурвалж:www.polit.mn