Т.САЙХАН

АН-ын дарга Л.Гантөмөр өчигдөр гаргаж, АН-ын сонгууль эрхэлсэн төв штабын ерөнхий менежерээр Б.Баттөмөрийг томилсон байна. Өөрөөр хэлбэл, 2024 оны УИХ-ын сонгуульд Ардчилсан намын сонгуулийн кампанит ажлыг Б.Баттөмөр удирдан чиглүүлнэ. Тэрээр Ардчилсан намын жагсаалтын 35-д бичигдэж байгаа юм бөгөөд олон улсын харилцаа, улс төр судлалаар мэргэшсэн нэгэн юм.

АН-ын Сонгуулийн төв штабыг С.Баярцогт, Х.Тэмүүжин нарын аль нэгээр нь удирдуулна гэсэн мэдээлэл байсан ч Л.Гантөмөр 2024 оны УИХ-ын сонгуулийн гол кампанит ажлаа шинэ залуу боловсон хүчинд хариуцуулжээ.

МАН-ын сонгуулийн төв штабыг МАН-ын Ерөнхий нарийн бичгийн дарга Д.Амарбаясгалан, ХҮН намын сонгуулийн төв штабыг Ерөнхий сайд асан М.Энхсайхан, Үндэсний эвслийн сонгуулийн төв штабыг хуульч О.Батхүү нар удирдан чиглүүлэхээр болсон байна.

Эх сурвалж:www.polit.mn