Б.НАНДИН

Усны асуудлаарх дэлхийн дээд хэмжээний чуулган даваа гарагт Индонезын нийслэл Балид эхэллээ. 10 дахь удаагийн дээд хэмжээний уулзалт “Усны төлөөх хамтын хөгжил цэцэглэлт” уриан дор зохион байгуулагдаж байна. 
Чуулганы нээлтийн ёслолд дэлхийн хэд хэдэн орны удирдагчид, НҮБ-ын төлөөлөгчид оролцжээ. Энэ сарын 25-ны өдрийг хүртэл үргэлжлэх чуулганы үеэр оролцогчид усны нөөцийг хамгаалах, цэвэр ус ба ариун цэврийн байгууламж, хүнс ба эрчим хүчний аюулгүй байдал, гамшгийн хор уршгийг багасгах гэсэн дөрвөн сэдвээр хэлэлцүүлэг зохион байгуулна.
Индонезын ерөнхийлөгч Жоко Видодо чуулганыг нээж үг хэллээ. Тэрээр "Өнөөдөр бид Балид цугласнаараа дэлхийн устай холбоотой асуудлуудыг шийдвэрлэхийн тулд дэлхий нийтээрээ хүчээ нэгтгэж чадна гэдэгт манай улс итгэж найдаж байна" хэмээн онцоллоо. 
Дэлхийн усны зөвлөлийн ерөнхийлөгч Лоик Фаучон хүмүүс цэнхэр гарагтаа өдөр бүр хор хохирол учруулсаар байгаад санаа зовниж байгаагаа илэрхийлсэн байна. Усны хомсдолыг хүн бүр ухаарч, алдаагаа засаж, хойч үедээ итгэл найдвар, хүсэл мөрөөдөл, амар амгаланг үлдээхийн тулд бид энд цуглаад байна” хэмээн тэрээр нэмж хэлсэн юм. 

Эх сурвалж: www.polit.mn