Т.САЙХАН

Ерөнхийлөгч У.Хүрэлсүх хүүхэд хамгааллын ууган байгууллага “Өнөр бүл” хүүхдийн төвийн 50 жилийн ойг тохиолдуулан тус төвийн хамт олонд төрийн дээд цол, одон, медаль хүртээлээ. Гавьяат багш цолоор эх нялхсын эрүүл мэндийг сахин хамгаалах болон сувилахуйн тусламж үйлчилгээ үзүүлэх, хүүхэд багачуудыг сурган хүмүүжүүлэх, авьяас чадварыг нь нээн илрүүлж, сурах арга барил эзэмшүүлэхэд мэдлэг чадвараа дайчлан ажиллаж, хүүхэд хамгааллын үйлчилгээг хөгжүүлэхэд бодитой хувь нэмэр оруулсан ахмад багш Ц.Даняг шагнав.

Үйлчилгээний гавьяат ажилтан цолоор хүүхэд хамгааллын үйлчилгээний чанар, үр дүнг сайжруулах, тус салбарын багш, сурган хүмүүжүүлэгчдийн ажиллах орчин, нийгмийн асуудлыг шийдвэрлэхэд идэвх, санаачилга гарган олон жил үр бүтээлтэй ажиллаж буй захирал М.Өлзийчимэгийг шагналаа.

Хөдөлмөрийн гавьяаны улаан тугийн одонгоор ахмад ажилтан Д.Минжүүр, сувилагч Н.Наранцэцэг нарыг шагнав.

Алтангадас одонгоор ахмад ажилтан Г.Дашмаа,Я.Зина, Ц.Сэлэнгэ, Т.Ганбат, Х.Бат-Эрдэнэ, Ч.Дуламжав, туслах багш С.Оюунтуяа, тогооч Л.Уртнасан нарыг шагналаа.

Эх сурвалж:www.polit.mn