Ц.БАЯР

Ардчилсан нам үүсэн байгуулагдсаны 34 жилийн ой өнөөдөр тохиосон юм. Тэртээ 1990 оны дөрөвдүгээр сарын 07-ны өдөр Ардчилсан нам үүсгэн байгуулагдсан түүхтэй. Хонхны дуу Монголын ард түмнийг сэрээсэн гучин дөрвөн жилийн өмнөх хаврыг эргэн сануулсан өдөр өнөөдөр байв. 70 жил завсаргүй засагласан нэг намын тогтолцоог халж, огт өөр нам, цоо шинэ улс төрийн хүчин мэндэлснийг албан ёсоор хүлээн зөвшөөрсөн өдөр. Шинэ цагийг, шинэ нийгмийг, шинэ Монголыг авчирсан Ардчилсан намын үе үеийн, мянга мянган гишүүд, дэмжигчид, ардчилсан Монгол Улсын эрх чөлөөт иргэдийн баярын өдөр билээ. Өнөөдрийн хавар Ардчилсан намын үе үеийн удирдлагууд, гишүүд дэмжигчид нэгэн танхим дор цугларч алдаа, оноогоо эргэн дурсаж, дүгнэн цэгнэж, бахархаж баярласан бас эе эв, эрх чөлөөний өмнө тулгарсан сорилтыг даван туулах тухайгаа цугтаа чуулж, хамтдаа хэлэлцсэн түүхэн бөгөөд хариуцлагатай өдөр.

Эх сурвалж: www.polit.mn