“Эдийн засаг тасралтгүй өснө гэсэн үг биш”

2024-04-02
Нийтэлсэн: Админ
 3 мин унших

Түмэнжаргалын ИЧИНХОРЛОО

 

Макро эдийн засгийн үндсэн үзүүлэлт, төлөв байдлын талаар өнгөрсөн долоо хоногт салбарын яам, Эдийн засгийн тогтвортой байдлын зөвлөл, эдийн засагчдыг хамарсан хэлэлцүүлэг өрнөсөн юм. Энэ үеэр Эдийн засгийн бодлого, өрсөлдөх чадварын судалгааны төвийн гүйцэтгэх захирал, эдийн засагч Б.Лакшми, Хөгжлийн эдийн засагч Ц.Лут-Очир нарын байр суурийг сонирхлоо.

 

Б.Лакшми: ЭДИЙН ЗАСГИЙН ӨСӨЛТИЙГ ТААМАГЛАХДАА БОЛГООМЖТОЙ ХАНДАХ ХЭРЭГТЭЙ

-Монгол Улсын эдийн засаг БНХАУ-ын эдийн засгаас хамааралтай байдаг. Тэгэхээр экспортод түшиглэсэн эдийн засгийн тооцоолол гаргах гэж байгаа бол бодит өсөлт, уналт ямар байх талаарх прогнозын сайтар анзаарах шаардлагатай. Нөгөөтэйгүүр манай урд хөршийн эдийн засгийн өсөлт цаашид ч энэ хэвээр хадгалагдана гэвэл бид төсвийн орлогыг өөдрөгөөр төсөөлөх боломж бий. Харин Хятад, АНУ, Тайван, Австрали улсуудын худалдааны дайны нөлөөлөл манай улсын эдийн засагт хэрхэн тусах вэ гэдгийг анхааралтай ажиглах нь зүйтэй.

2023 онд нүүрсний экспорт их хэмжээгээр өссөн нь эдийн засгийн өсөлтөд таатай нөлөө үзүүлсэн. Гэхдээ энэ нь тасралтгүй урт хугацаагаар үргэлжилнэ гэсэн үг биш л дээ. Өнгөрсөн онд 66.7 сая тонн нүүрс экспортлож, үүнээс 8.8 тэрбум ам.долларын орлого олжээ. Ийнхүү 66.7 сая тонн нүүрс экспортолсон нь өмнөх оны мөн үеэс 2.1 дахин үзүүлэлт. Үүнд биржээр арижаалсан нь нөлөөлсөн гэж харж байгаа юм. Өөрөөр хэлбэлл, 35 сая тонноор өссөн нүүрсний экспортыг ирэх жилүүдэд хадгалагдаж үлдэнэ гэж тооцоолох нь буруу. Учир нь Монгол Улс түүхэндээ байгаагүй хэмжээний нүүрсний экспорт хийхэд геополитикийн буюу Австрали-Хятадын худалдааны дайн нөлөөлсөн.

Түүнчлэн эдийн засгийн өсөлтийг таамаглахдаа илүү болгоомжтой хандах хэрэгтэй. Яагаад гэвэл, хэт өөдрөг төсөөллийг биелүүлэхийн тулд төсвийн тодотгол хийгээд байж болохгүй гэдгийг хэлмээр байна. Мэдээж давагдашгүй хүчин зүйлийн эсрэг авах арга хэмжээ зэрэг нь нэлээд хүндрэл дагуулдагийг өнгөрсөн цар тахлын үе бидэнд харуулсан шүү дээ. Тэгэхээр эдийн засгийн бодит нөхцөл байдалд тулгуурлан бодлогын арга хэмжээ авах шаардлагатай. 

 

Ц.Лут-Очир: ЯДУУРЛЫН ТҮВШИН 27.1 ХУВЬТАЙ БАЙГАА НЬ ОРЛОГО НЭМЭГДЭЭГҮЙГ ХАРУУЛЖ БАЙНА

-Эдийн засгийн өсөлт жирийн иргэдийн амьдрал, орлогод ямар ч хүртээлгүй байна. Эрдэс баялгийн экспорттой хамаатай хэдхэн компани, түүний үр шимийг хүртдэг хүмүүсийн орлого л өссөн байх. Цалин, тэтгэвэр тэтгэмж 10 хувь өссөн боловч өргөн хэрэглээний бараа, хүнсний үнэ 20-30 хувиар өсч байна. Тэгэхээр амьдралын чанарын ялгаа хэт өөрчлөлттэй байгаа үед дундаж цалингаар иргэдийн амьдралыг сайжирлаа гэж үзэх нь буруу.  Өөрөөр хэлбэл, ядуурлын түвшин 27.1 хувьтай байгаагааас харвал хүмүүсийн бодит орлого нэмэгдээгүй гэж үзэхээр байгаа юм.

Нөгөөтээгүүр, гадаад худалдаа өссөн нь зөвхөн экспортын нүүрсний хэмжээ өссөнтэй холбоотой. Бусад гол бараа болох зэс, алт, төмрийн хэмжээ буурсан. Импортын өсөлт нь ихэвчлэн хэрэглээний бараа байгаа. Тоног төхөөрөмжийн импорт буурсан нь хөрөнгө оруулалт, эдийн засгийн идэвхжил буурсныг илтгэнэ. Цалин тэтгэвэр барьцаалсан хэрэглээний зээл 27 хувиар өссөн нь сайн шинж тэмдэг биш. Хүмүүсийн орлого муудаж зээлээр амьдарч эхэлсэн гэдгийг л харах үзүүлэлт. Учир нь бизнесийн зээл дөнгөж хоёр хувиар өссөн нь эдийн засгийн өсөлт бодит хөрсөнд буухгүй байгааг харуулж байна.

Статистик мэдээг оны дундуур үнэн зөв тооцох боломжгүй. Хагас жилээс л бодитой дүн гарч эхэлнэ. Энэ онд бидний худалдааны гол түнш БНХАУ нүүрс импортлох хэмжээгээ нэмэгдүүлэхгүй гэж зарласан. Коксжих нүүрсний эрэлт буурч, үнэ унаж байна. Тус улсын барилгын салбар уналтад орж, хувийн болон гадаадын хөрөнгө оруулалт буурч бизнесийн идэвхжил суларсан. Эдийн засгаа идэвхжүүлэх хөтөлбөрүүд уламжлалт дэд бүтэц болон барилга биш, шинэ технологи, цахилгаан машин, хагас дамжуулагч, хиймэл оюун ухаан руу түлхүү чиглэх тул бидэнд тусгал нь ирэхгүй гэж таамаглаж байна.

Эх сурвалж: “Зууны мэдээ” сонин

2024 ОНЫ ДӨРӨВДҮГЭЭР САРЫН 2. МЯГМАР ГАРАГ. № 64 (7308)

 

Олимпын мөнгөн медальт, гавьяат тамирчин Б.Баасанхүүгийн нэрэмжит жүдо бөхийн өсвөр үеийн анхдугаар тэмцээн эхэллээ

Урлаг спортОлимпын мөнгөн медальт, гавьяат тамирчин Б.Баасанхүүгийн нэрэмжит жүдо бөхийн өсвөр үеийн анхдугаар тэмцээн эхэллээ

7 цаг 20 мин
Энэтхэг дэх “Самсунг”-ийн ажилчид ажил хаяв

Өмнөд Солонгосын “Самсунг Электроникс” компанийн 1500 орчим ажилчид Энэтхэгийн Там

15 цаг 50 мин
Х.Бат-Ялалт: Засгийн газрын бодлого Үндсэн хуулийг үгүйсгэж байна

Монголын хүний төлөө намаас өчигдөр Үндэсний мэдээллийн төвд УИХ-ын дарга болон гишүүд,

15 цаг 51 мин
Утааг 90 хувь бууруулдаг “Нүүдэлчин эко” зуух эрэлт ихтэй байна

Байгаль орчин уур амьсгалын өөрчлөлтийн яамнаас “Ногоон технологи-2024”-ийг э

15 цаг 56 мин
АН хотод ялж З.Энхболд Хотын дарга болох уу?

Энэ жилийн Орон нутгийн сонгууль НИТХ-д нэлээд ширүүн эхэлж байна.

16 цаг 1 мин
Шүүхэд “…Эрүүдэн шүүсний хохирлыг шуурхай шийдэх” хуулийн тодорхой заалт хэрэгтэй болжээ

Манай ХҮЭК-оос “...Хэнд боловч эрүү шүүлт тулгаж, хүнлэг бус, хэрцгий хандаж, нэр төрийг нь доромжилж

16 цаг 7 мин
Хятад худалдаж аваад байвал 83 сая тонн нүүрс экспортолно

Монгол Улсын эдийн засагт уул уурхайн бүтээгдэхүүн, тэр тусмаа нүүрсний борлуулалт ихээхэн ху

16 цаг 10 мин
Алтан мөрдэстэй “Курсант”

Генералтай ярилцчихаад буцаж явахдаа нэг л том олз олчихсон мэт цаанаасаа л сэтгэл дүүрээд байв.

16 цаг 15 мин
“Сэлбэ, Дунд голын 10 км бургасыг нүүлгэж Улаанбаатарыг үерээс хамгаална” нийтлэл Шилдэг эрэн сурвалжлах бүтээлээр шалгарлаа

Өдөр тутмын сонины өглөө бүрийн ажлын эхлэл “Өглөөний шуурхай” хурлаа “Зууны мэдээ” сониныхон бид өчигдөр арай өөр хэлбэрээр хийлээ.

16 цаг 42 мин
Даатгалын компанийн далд “жор”

Автомашин эзэмшигч бүрийн сайн мэдэх “Жолоочийн хариуцлагын албан журмын даатгалын тухай хууль”

16 цаг 54 мин