П.АМГАЛАН

УИХ-ын чуулганы нэгдсэн хуралдаан /03.21/ 65.3 хувийг ирцтэйгээр эхэллээ.  Үргэлжлүүлэн чуулганаар Монгол Улсыг 2021-2025 онд хөгжүүлэх таван жилийн үндсэн чиглэлийн 2023 оны биелэлт, Монгол Улсын Засгийн газрын 2020-2024 оны үйл ажиллагааны хөтөлбөрийн 2023 оны хэрэгжилт, Монгол Улсын хөгжлийн 2023 оны төлөвлөгөөний гүйцэтгэлийн тайланг хэлэлцлээ. Хуулийн төсөлтэй холбоотой  гишүүд асуулт асууж, хариулт авав.

УИХ-ын гишүүн Ц.Туваан: -Энэ тайлан дээр хийсэн зүйлүүд байгаа. Бас бодит амьдрал дээр нийцэхгүй зүйл ч үнэлгээ дээр байна.  Ядуурлын түвшин хэдэн хувьд хүрсэн бэ. 2024 оны УИХ-ын сонгууль  бүсчилсэн хөгжлөөр явах гэж  байна. Бүсчилсэн хөгжлийн бичиг баримтаа  23 жилийн өмнө батлаад хүчингүй болгоогүй хэрэгжээд явж байгаа. Хэлэлцэж байгаа гурван  тайланд бүсчилсэн хөгжлийн бодлоготой цуг хэрэгжээд явж байгаа зүйл байна уу.  Төлөвлөгөө тодорхой болгоод, сошиалд автахгүйгээр хэрэгжүүлэх хэрэгтэй байна. Бид сошиалын шийдвэр гаргадаг улс болчихлоо.

Эдийн засаг, хөгжлийн сайд Ч.Хүрэлбаатар:- Ядуурлын түвшнийг Үндэсний статистикийн хорооноос гаргадаг. 2020 онд 27.8 хувьтай байсан бол  2022 онд  27.1 хувь байна.Бүсчилсэн хөгжлийн үзэл баримтлалыг УИХ батлаад орхичихсон. Тэр  нь бодитой ажил хэрэг болж явдаггүй. Учир  нь, гишүүд  сонгогдсон  аймаг, сумын  тухай  ярьдаг байсан.  2024 оны сонгуулийг бүсчилсэн хэлбэрээр явуулах гэж байгаа учраас  бүсчилсэн асуудал нэлээд орж ирэх  байх.  Засгийн газраас бүсийн шинж чанартай арга хэмжээнд анхаарал хандуулж ирсэн” гэлээ.

Эх сурвалж:www.polit.mn