Т.САЙХАН

УИХ-ын нэгдсэн чуулганаар  Орон нутгийн сонгуулийн товыг хэлэлцлээ. Энэ үеэр УИХ-ын гишүүн Ц.Туваан "Орон нутгийн сонгуулийн санал авах өдрөө энэ удаагийнх дээр лхагва гарагт зохион байгуулж болох уу. Намар нүүдэл суудлын үеэр сонгуулийн ирц маш багасдаг. Дахиад баасан гарагт хийвэл залуучууд оролцохгүй гэсэн асуудал байгаа" гэв. 

УИХ-ын гишүүн Н.Энхболд "Сонгуулийн тухай хуульд орсон нэмэлт өөрчлөлттэй холбогдуулан орон нутгийн тухай хуулийн төслийг УИХ-аар хэлэлцүүлсэн. Бүх шатанд хэлэлцэгдээд хамгийн сүүлд алх цохих асуудал үлдсэн байсан. Гэвч ирц хүрээгүй учраас хууль батлагдаагүй. Энэ хуульд зургаан сарын дотор өөрчлөлт оруулж болохгүй гэсэн заалт байсан.Энэ удаагийн орон нутгийн сонгуулийг аравдугаар сарын 11-ний баасан гарагт зохион байгуулахаар байнгын хорооноос санал болгосон. Өмнөх орон нутгийн сонгууль нь мөн адил баасан гарагт болж байсан. Тав дахь өдөр болохоор залуучууд сонгуульд оролцохгүй юм шиг дахин дахин яриад байна. Энэ зүйлд уриалаад ч байгаа юм шиг. Үүний оронд иргэд төрийн сонгуульд идэвхтэй оролцох ёстой гэж ярих хэрэгтэй. Тав дахь өдөр байсан ч залуучууд сонгуульд орох болов уу гэж бодож байгаа. Ялангуяа залуучууд сонгуульдаа идэвхтэй оролцох байх" хэмээн хариулав. 

Эх сурвалж:www.polit.mn