Т.САЙХАН

Төв шуудангаас 120 мянгатын уулзвар, Хан-Уул дүүрэгт орших E-Mart худалдааны төвийн уулзвараас "Шангри Ла"-гийн уулзвар хүртэлх замын хөдөлгөөнийг өглөө, оройн оргил ачааллын үеэр өөрчлөхөөр болсон.  Гэнэтхэн зарласан энэ шийдвэрийн нөлөөгөөр өчигдөр орой нийслэл даяараа түгжирсэн гэхэд болно. 

Тэгвэл энэ нь цаашид хэвээр байх эсэхийг Тээврийн Цагдаагийн Албанаас тодруулахад "Энэ бол байнга мөрдөгдөх шийдвэр биш. Замын хөдөлгөөний тухай хуулийн 8.2.22т зааснаар өглөө, оройд түр хугацаагаар нэг эгнээний урсгалыг өөрчлөн, уулзвар нэвтрэлт, ачаалалд ямар нөлөө гарч байгааг үзсэн" гэв.

Харин энэ асуудлаар  ХЗДХ-ийн сайд Б.Энхбаяр "Нийслэлийн замын хөдөлгөөнд зохицуулалт хийх талаар нийслэлийн иргэд, эрхэлсэн сайд, Нийслэлийн Засаг даргад урьдчилж танилцуулалгүйгээр арга хэмжээ авч, иргэдийн бухимдуулсан ЦЕГ-ын Тээврийн цагдаагийн газрын даргыг ажлаас чөлөөлөх арга хэмжээ авч, хариуцлага тооцохыг ЦЕГ-ын даргад үүрэг болгов. “Туршилт”-ыг зогсоосон. Ажил, амьдралаа урьдчилан төлөвлөх боломж, мэдэх эрхээр иргэдийг хангалгүй, зохион байгуулалтын алдаа гаргасан явдалд нийслэлчүүдээсээ хүлцэл өчье" гэжээ.  

Эх сурвалж:www.polit.mn