П.АМГАЛАН
Сар шинийн баяр, шинийн 1-3-ны өдөр буюу хоёрдугаар сарын 10, 11, 12-нд алслагдсан гэр хороолол, хүн ам ихтэй суурьшлын цэгүүдэд тээврийн хэрэгслийг тоог нэмжээ. Тодруулбал, Шархад, Тахилт, Чингэлтэй, Зунжин, Баянхошуу, Орбит, Зүүн салаа, Улаан-хуаран, Санзай зэрэг чиглэлийн автобусны тоог нэмж, иргэдэд үйлчлэхээр болсон байна.
Мөн сар шинийн баярын өдрүүдэд амралтын өдрийн хуваарийн дагуу үндсэн болон хот орчмын автобус, троллейбус цагийн хуваарийн дагуу үйлчилнэ. Орон нутаг буюу хот хооронд зорчих тээврийн хэрэгслийн тоог мөн нэмжээ. Ингэснээр баярын өдрүүдэд иргэд заавал хувийн тээврийн хэрэгслээр биш нийтийн тээврээр үйлчлүүлэх боломжтой.
Хэрэв нийтийн тээврийн үйлчилгээтэй холбоотой ямар нэгэн гомдол санал байвал иргэд 7004-4040 дугаарт хандах боломжтой. Харин хот хооронд зорчих тасалбар болон цагийн хуваарьтай холбоотой мэдээллийг Авто тээврийн үндэсний төвөөс авах боломжтой. Цагаан сарын өдрүүдэд нийтийн тээврийн маршрутад ямар нэгэн өөрчлөлт орохгүй бөгөөд зөвхөн нэмэлт автобусууд үйлчлэх юм байна.
Эх сурвалж:www.polit.mn