П.АМГАЛАН

Өнөөдөр Сүхбаатар дүүргийн Эрүүгийн хэргийн анхан шатны шүүхэд  УИХ-ын гишүүн, Аюулгүй байдал гадаад бодлогын байнгын хорооны дарга Б.Энх-Амгалан, Ерөнхийлөгчийн Тамгын газрын дарга асан З.Энхболд нарыг шүүх хурал  өнөөдөр 8.30 цагт нийслэлийн Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхэд болжээ. Шүүх хурлын үеэр УИХ-ын гишүүн Б.Энх-Амгалан шинэ өмгөөлөгч авч, хэрэгтэйгээ танилцах болсонтой холбоотойгоор шүүх хурал дахин хойшилж, 2024 оны хоёрдугаар сарын 29-ний 09.00 цагт  хийхээр товлосон байна.

Б.Энх-Амгалан, З.Энхболд  нарыг эрх мэдэл албан тушаалаа урвуулан ашигласан үндэслэлээр буруутган,  яллагдагчаар татан АТГ-т шалгасан бөгөөд уг шүүх хурал  нэгдүгээр сарын 18-нд  товлогдсон ч хойшлогдоод байсан юм. Уг хэргийг эргэн сануулахад УИХ-ын гишүүн, Аюулгүй байдал гадаад бодлогын байнгын  хорооны дарга Б.Энх-Амгаланг 2019-2020 онд Зам тээврийн хөгжлийн сайдаар ажиллаж байхдаа Ерөнхийлөгчийн Тамгын газрын дарга З.Энхболдтой холбоотой гэх “Страто” ХХК-д давуу байдал бий болгосон гэх хэрэгт буруутган, яллагдагчаар татсан байдаг. Харин З.Энхболдыг төрийн өндөр дээд албан тушаал хашиж байхдаа эрх мэдлээ ашиглан тухайн үеийн Зам тээврийн хөгжлийн сайд Б.Энх-Амгаланд нөлөөлж, бусдад давуу байдал олгуулсан гэх хэрэгт яллагдагчаар татагдсан юм.

Эх сурвалж:www.polit.mn