ХЭҮК-ын даргаар ажиллах Д.Сүнжид гэж хэн бэ?

Нүүр

Залуус-Улс төр

ХЭҮК-ын даргаар ажиллах Д.Сүнжид гэж хэн бэ?

2023-12-01

Нийтэлсэн: Админ

1 мин унших

ХУВААЛЦАХ

ЖИРГЭХ

Т.САЙХАН

Хүний эрхийн Үндэсний Комиссын дарга Ж.Хунан өөрийн хүсэлтээр албан тушаалаасаа чөлөөлөгдөх хүсэлтээ УИХ-ын дарга Г.Занданшатарт хүргүүлснийг УИХ-ын 2023 оны арваннэгдүгээр сарын 30-ны өдрийн Чуулганы нэгдсэн хуралдаанаар хэлэлцэж, үүрэгт ажлаас нь чөлөөлсөн. Улмаар комиссын гишүүн Д.Сүнжидийг Комиссын даргаар томилох тухай тогтоолыг хэлэлцэж, баталсны дагуу УИХ-ын Хууль зүйн байнгын хорооны дарга Д.Цогтбаатар тус тогтоолыг өнөөдөр /2023.12.01/ танилцуулж, Комиссын тамга хүлээлгэн өглөө.

Тэрбээр энэ үеэр Комиссын гишүүд нь Монгол Улсын Үндсэн хууль, хууль, олон улсын гэрээ конвенцоор үүрэг хүлээсэн гэдгээ цаг ямагт ухамсарлаж, хүний эрхийг хамгаалахын төлөө хараат бусаар, тууштай ажиллаж ирсэн зарчмаа алдахгүй байхыг онцолсон.

Түүнчлэн Монголын нэр хүндтэй хуульчид хашиж ирсэн өндөр хариуцлагатай тушаал болохыг цохон тэмдэглэж, хүний эрхийг хамгаалах үйлсэд амжилт хүссэн юм.

Хүний эрхийн Үндэсний Комиссын гишүүн Д.Сүнжид намтар, ажилласан байдал:

Дугарын Сүнжид нь 1977 онд төрсөн.

1993 онд Хэнтий аймгийн Өндөрхаан сумын нэгдүгээр сургуулийг төгссөн.

1994-1998 онд МУИСийн Хууль зүйн сургуулийг эрх зүйчээр төгсөж,

1999-2000 онд мөн сургуульдаа хууль зүйн ухааны магистр,

2000-2002 онд ХБНГУ-ын Людвиг-Максимилианы Их сургуульд олон улсын харьцуулсан эрх зүйн магистр,

2006-2009 онд ХБНГУ-ын Людвиг-Максимилианы Их сургуульд хууль зүйн ухааны доктор /Dr.jur/-ын зэргийг тус тус хамгаалсан.

2002-2003 онд ШУА-ийн Философи, социологи, хүний эрхийн хүрээлэнгийн Хууль зүйн судалгааны төвийн судлаачаар,

2003-2012 онд Нийслэлийн Өмгөөлөгчдийн зөвлөлийн гишүүн, өмгөөлөгчөөр,

2005-2012 онд “Хөгжлийн төлөө төв” ТББ-ын гүйцэтгэх захирлаар,

2009-2014 онд Хууль зүйн яамны Хяналт-шинжилгээ, үнэлгээ, дотоод аудитын газрын даргаар,

2014-2015 онд Хууль зүйн яамны Төрийн захиргааны удирдлагын газрын даргаар,

2015-2017 онд ЕТГ, ШХА-ын хамтарсан “Иргэдийн оролцоо” төслийн зохицуулагчаар,

1998 оноос одоог хүртэл Удирдлагын академийн эрх зүйн тэнхимийн багш, ахлах багш, дэд профессор,

2017 оноос ХЗДХЯ, ШХА-ын хамтарсан “Иргэдийн оролцоо II” төслийн зохицуулагчаар тус тус ажиллаж байгаад 2020 оноос Хүний эрхийн Үндэсний Комиссын гишүүнээр сонгогдсон юм.

Эх сурвалж:www.polit.mn