П.АМГАЛАН

Салхитын мөнгөний орд болон шүүгч нарын авилгын тухай иргэн Ш.Мөнгөншагай  мэдээлэл хийлээ. Тэрбээр “Намайг Салхитын мөнгөний ордны гэх хэрэгт гол зохион байгуулагчаар оролцож, авилга өгсөн гэж үзсэн.  Салхитын мөнгөний ордтой холбоотой  шүүх хурал болсон. Шүүхээс намайг авилга өгсөн гэж үзэж гурван жилийн ял оноосон. Гэвч шүүхээс авилгал өгсөн хүн нь намайг гэж үзэж байгаа мөртлөө авилга авсан хүн нь байхгүй гэж шийдэгдсэн.

Саяхан хөдөлмөрийн баатар Т.Мөнхбаярын шүүх хурал болж түүнийг  дээр 27 сая төгрөгөөр торгосон.  Энэ бол шударга бус үйлдэл. Салхитын мөнгөний ордтой бүх холбоотой бүх ажлыг зохион байгуулсан хүн нь Т.Мөнхбаяр. Би энэ асуудлыг орхиж болох ч шударга бус зүйл хэвийн үргэлжлээд байж  болохгүй. Нийгэмд намайг шүүгч нарт авилга өгсөн. Нөгөө шүүгчид нь шоронд орсон. Авилгал өгсөн хүн нь бас шоронд орсон гэсэн ойлголт төрүүлсэн. Хэрэв тийм бол хэргийг шийдсэн хүн авилга авсан байж  таараа. Гэтэл ямар ч хамааралгүй Сонгинохайрхан дүүргийн шүүгч,  захиргааны хэргийн давж заалдах шатны шүүгчид ял оноосон. Хэрэг шийдээгүй  мөртлөө авилга авна гэдэг логикийн хувьд алдаатай. Энэ хугацаанд хонгил гэдгийг биеэрээ үзлээ.

 Тухайн үед Г.Занданшатар  ЗГХЭГ-ын дарга байсан. Ерөнхийлөгч Б.Баттулга Г.Занданшатарт “Наа ажлаа амжуулчихвал УИХ-ын дарга болгож өгье” гэсэн.  Хөдөлмөрийн баатар Т.Мөнхбаярыг  уурхайн захирлаар томилсон.

Мөн тэтгэврийн зээлийг бонд гаргаж тэглэсэн ч одоо хүртэл төлөгдөөгүй. Яагаад гэхээр бүгдээрээ  дээгүүр, доогуур хулгай хийсэн учраас  бондоо Салхитын  мөнгөний ордоос төлөх ёстой ч төлж чадаагүй.  2018  оны мэдээллээр  нэг тонн баяжмалыг  106 доллараар гаргаж байсан.  Миний авсан мэдээллээр 106 доллараар гэрээ хийж гаргаад 700 орчим доллараар цаана нь худалдаж авдаг.  Үүний зөрүү нь мөнгийг одоо хүртэл  эдгээр хүмүүс авч байгаа" гэв.

Эх сурвалж:www.polit.mn