Н.Жаргалмаа

ХБНГУ-ын Хамбург хотын нисэх онгоцны буудалд бямба гарагийн орой хүүхэд барьцаалагч этгээд халдсан хэрэг гарсан юм. Халдагч этгээд нисэх буудлын хамгаалалтыг давж хоёр удаа агаарт хий буудан улмаар  онгоцны хөөрөх гарц руу орж зогссон байна. Цагдаа нар барьцаалагчтай хэлэлцээрт хүрэхээр мэргэжилтнүүдийг оролцуулан ажиллаж, 18 цагийн дараа тэрбээр ямар ч эсэргүүцэл үзүүлэлгүйгээр бууж өгчээ.

Цагдаагийн хэвлэлийн төлөөлөгч Сандра Левгрюн ням гарагийн үдээс хойш хэвлэлийнхэнд “Хэрэгтэн охины хамт машинаас бууж яаралтай тусламжынханд хандсан. Мөн түүнийг баривчлах үед ямар нэг эсэргүүцэл үзүүлээгүй” гэж мэдэгдсэн байна. Хэрэгтнийг цагдаагийн хэлтэсрүү авч явсан ба охиныг ээжид нь хүлээлгэн өгчээ. Энэ хэрэг нь хүүхдийн ээжтэй холбоотой асран хамгаалах асуудлаас үүдэлтэй ажээ. Барьцаалагчийн эхнэр бямба гарагт Хамбургийн ойролцоох Стад хотоос хүүхэд хулгайлагдсан тухай мужийн цагдаагийн албад мэдүүлсэн байна. Хамбургын нисэх онгоцны буудал даваа гарагаас эхлэн хэвийн горимд шилжин ажиллаж эхэлжээ. Цуцлагдсан нислэгүүдэд холбогдох асуудалд холбогдох тодорхой мэдээлэл гараагүй байна. Ням гарагийн байдлаар 27 гаруй нислэг цуцлагдсан гэсэн юм.

Эх сурвалж: www.polit.mn