Н.Жаргалмаа

ОХУ-ын ерөнхийлөгчийн биеийн байдал ноцтойгоор муудсан тухай эх сурвалжгүй мэдээлэл ням гарагт “Telegram” олон нийтийн сүлжээнд гарсан байна. Энэхүү мэдээлэлтэй холбогдуулан Кремлийн хэвлэлийн төлөөлөгч Дмитрий Песков мягмар гарагт мэдэгдэл хийлээ. Тэрбээр “Ерөнхийлөгч Путины биеийн байдалд ямар нэг асуудал байхгүй. Түүний бүх зүйл хэвийн сайхан байгаа. Хэвлэл мэдээллийн хэрэгслээр худал мэдээлэл гарч байна” хэмээн мэдэгдлээ. ОХУ-ын ерөнхийлөгч В.Путин энэ сарын 7-нд 71 нас хүрсэн. Мөн тэрбээр олон жил жүдо бөхийн спортоор хичээллэсэн гэдгээрээ төрийн имиж бүрдүүлсээр ирсэн юм. Өнгөрсөн долоо хоногт БНХАУ-д зохион байгууллагдсан “Бүс ба Зам” санаачлагын чуулга уулзалтад оролцож, буцахдаа Оросын хоёр ч хотоор айлчилсан байна. 2020 онд өгсөн ярилцлагандаа аюулгүй байдлыг үүднээс нэмэлтээр биеийн тамирын дасгал хөдөлгөөн хийх болсон гэсэн юм. Мөн түүнийг нэмэлтээр хамгаалалтын бие зүүдэг гэх мэдээллийг “Кремль” үгүйсгэлээ.

Эх сурвалж: www.polit.mn