Т.САЙХАН

НӨАТ-ын буцаан олголтыг таван хувь болгон нэмэгдүүлэх саналыг УИХ-ын дарга Г.Занданшатар гаргаж, иргэдээс мөн санал авсан билээ.    Тухайн саналыг 24 цагийн дотор 40 мянга гаруй иргэн дэмжээд байна. 30 хоногийн дотор дэмжигчийн тоо 100 мянгад хүрвэл хууль санаачлах боломж нээгдэнэ.  Тэгвэл энэ асуудлаар  Сангийн сайд Б.Жавхлан тайлбар өгөхдөө "Ямар ч боломжгүй. Энэ бол татварын тогтолцооны асуудал бөгөөд гэнэт шийддэг зүйл биш. Бүх талын нөлөөллийг сайтар судалж байж ярих учиртай. Татварын асуудлыг олон нийтийн санал асуулгаар шийдэх нь зөв үү, буруу юу гэдгийг бодолцох хэрэгтэй. Мэргэжлийн яамнаас санал асууж, судалгаа авах бол бид бэлэн. Хамгийн их судалгаа шинжилгээ нь Сангийн яаманд бий. НӨАТ бол төсвийн орлого бүрдүүлэх, далд эдийн засгийг ил болгох үндсэн хоёр зорилготой. Хамрагдалт нь одоо 69 хувь дээр ирж байна. Олон улсын үнэлгээгээр бол хангалтгүй үзүүлэлт бөгөөд 90% хүрч байж, далд эдийн засаг ил боллоо гэж үзнэ" гэлээ. 

Эх сурвалж:www.polit.mn