Т.САЙХАН
Монголын үндэсний допингийн эсрэг байгууллагын санхүүжилтын асуудлыг олон нийт нэлээд сонирхож байгаа. Тэгвэл тус байгууллагын ерөнхийлөгч, анагаах ухааны доктор, ардын эмч Ж.Хатанбаатартай хэвлэлд өгсөн ярилцлагадаа, санхүүгийн асуудлаа дэлгэрэнгүй тайлбарлажээ. Тэрбээр"... МОНАДА нь явуулж байгаа үйл ажиллагааныхаа чиглэлийн хүрээнд сургалт, судалгаа, допингийн шинжилгээний зардлуудыг WADA болон Олон улсын Итгэмжлэгдсэн лабораторийн сургалт, хөтөлбөр, хамтын ажиллагааны чиглэлийн туслалцаа, тусламж, хандив болон МҮОХ-ны Конвенц, Коде, Олимпийн Харти-д заагдсан чиглэлийн дэмжлэг зэргээр явуулж ирсэн. Допингийн үндэсний байгууллага анх 2007 онд байгуулагдсан цагаасаа төрөөс нэг удаа л ДХХ-ийн санхүүжилт авсан байдаг. НҮБ-ын Конвенцийн 11 дүгээр зүйлд улс орнуудын Засгийн газар ДХХийн зардлыг гаргаж байхаар заасны дагуу 2019 онд анх удаа Засгийн газрын тогтоолоор ДХХ-ийн санхүүжилт хийгдэж, Олон улсын байгууллагын зүгээс хүртэл сайшаагдаж, манай хамт олон ч урам зоригтой, нэг жил ажилласан. Харамсалтай нь 2020 оноос хойш нэг ч удаа ДХХ-ийн зардал олгогдоогүй юм. Нэг удаагийн санхүүжилт төрөөс авсан 2020 оноос өмнө Олон улсын байгууллагаас жаахан ч гэсэн дэмжлэг байсан бол, 2020 оноос хойш Засгийн газар нь ДХХ-ийн зардлыг гаргаж байгаа гэдэг шалтгаанаар огт байхгүй болсон. Гэтэл жил бүр л ДХХ-ийн зардлыг улс гаргаж, МОНАДА нь буруу хэрэглэж, тамирчид шинжилгээний зардлаа төлүүлж чадахгүй хохирч байгаа тухай ташаа мэдээллийг хэсэг бүлэг хүмүүс зориуд мушгин тарааж байна" гэжээ
Эх сурвалж:www.polit.mn