Н.ЖАРГАЛМАА

Сайн-Ардчилсан иргэдийн нэгдсэн намын дарга Б.Жагар “Монголын ирээдүй болсон балчир үрс орхигдож хоцорлоо. Сургуулийн өмнөх боловсролыг тойрсон маш олон асуудлууд байна. Үүнийг дэс дараатайгаар нь шийдэж өгөхийг УИХ-ын даргаас шаардаж байна. Цэцэрлэгийн хангамж, нөөцийг асуудалд төсвийн бүрдүүлэлт тодотголын асуудал маш чухал. Улсын цэцэрлэгийн нэг хүүхдэд ноогдох хангамжийг 2470 төгрөгөөр тооцсон байна. Энэ нь өнөөгийн энэ зах зээлд хангалттай хүрэлцэхгүй. Хүүхдүүд шаардлагатай тэжээл хангамжийг авч чаддаггүй. Тиймээс өвлийн улиралд ханиад томуу ихэсч хүүхдүүд эмээр хооллодог. Нэг эмийн сан ороод эм тариа авахад 100-200 мянган төгрөг болж байна. Өнөөгийн дундаж цалин хэд билээ. Хүүхэд өвдөх нь өрхийн сангууд нөлөөлж байна.

Цэцэрлэг хүүхдүүдийг сургуульд бэлтгэдэг. Тиймээс эрүүл саруул шим тэжээлийн дутагдалд оруулаад байж болохгүй. Цэцэрлэгүүдийг агуулах стандарт хангахгүй байна. Анги танхим хүрэлцээгүй. Нэг ангид 25 хүүхэд байхаар заасан байхад ачааллаас үүдэн 40-50 хүүхэд байна. Тэнд агааржуулалт байхгүй зай талбай байхгүй. Боловсролын сайд нь өнөөдөр багш нарын бодит цалин хэд байгааг мэдэхгүй худлаа мэдээлэл түгээж байна. Хэрвээ үнэхээр сайдын хэлснээр хоёр сая гаруй цалин төсөвлөөд байгаа бол яагаад тэр нь амьдрал дээр багш нарын гарт очихгүы байгаа зэрэг асуудал хяналт тавих хэрэгтэй” хэмээн хэллээ. Мөн ахмад багш Д.Сарантуяа "Би 30 гаруй жил сургуулийн өмнөх боловсролын байгууллагад ажилласан. Өөрийн гэсэн газаргүй хураасан мөнгөгүй л байна. Авдаг цалин минь өдөр тутмын амьдралд арайчүү хүрдэг. Улсаас цэцэрлэгийн багш нарт зориулсан тэтгэмж хангамж маш муу, багш нарт өдрийн хоолны мөнгө төсвөөс гаргадаггүй. Тэгээд ачаалал ихтэй энэ байдлыг сайжруулж өгөөч” гэлээ.

Эх сурвалж: “Зууны мэдээ” сонин

2023 ОНЫ ЕСДҮГЭЭР САРЫН 20. ЛХАГВА ГАРАГ. № 187 (7172)