Элчин сайдууд “Сайн санааны үйлс”-д нэгдсээр байна

2023-09-18
Нийтэлсэн: Админ
 2 мин унших

Р.ОЮУН

 

Гадаад харилцааны яамны дэргэдэх Эмэгтэйчүүдийн дипломат клубээс жил бүр Улаанбаатар дахь гадаадын Элчин сайдын яамдтай хамтран "Сайн санааны үйлс" олон улсын өдөрлөгийг зохион байгуулдаг. Энэ удаагийн олон улсын өдөрлөгт Австрали, АНУ, Беларусь, Вьетнам, Итали, БНСУ, Лаос, ОХУ, БНХАУ, Энэтхэг, Японы Элчин сайдын яамд болон эмэгтэй манлайлагчтай 30 гаруй үндэсний бизнесүүд болон хувиараа хөдөлмөр эрхлэгчид, Гадаад харилцааны яамны удирдлага, Дипломат төлөөлөгчийн газрын тэргүүн нар гэр бүл, ажилтнууд, олон улсын байгууллагын төлөөлөл, Эмэгтэй дипломат клубын гишүүд оролцлоо.

Энэ үеэр Итали улсаас Монгол Улсад суугаа Элчин сайд хатагтай Лаура Ботта “Улаанбаатарт суугаа Дипломат төлөөлөгчийн газрын нэрийн өмнөөс Эмэгтэйчүүдийн дипломат клуб нийгмийн сайн сайхны төлөө бүх түвшинд сайн санааны үйл ажиллагааг чин сэтгэлээсээ, тууштай хэрэгжүүлж ирсэнд талархал дэвшүүлье. Энэ сайхан санаачилга нь Улаанбаатар дахь дипломат хамтын нийгэмлэг нэгдэн нягтарч, хамтран ажиллах хамгийн таатай орчин бүрэлдүүлж байгааг дэмждэг” хэмээн онцоллоо.

Эмэгтэйчүүдийн дипломат клуб нь Гадаад харилцааны яаманд ажиллаж байсан дипломатч эмэгтэйчүүдийн санаачилгаар 1998 онд байгуулагдсан бөгөөд “Сайн санааны үйлс” олон улсын өдөрлөгийг 23 дахь жилдээ зохион байгуулж байна. Энэ өдөрлөгөөр хандив цуглуулахаас гадна бусад орны түүх, соёл, зан заншилтай танилцах юм. Цуглуулсан хандиваараа 100 гаруй том, жижиг төсөл хэрэгжүүлж байна. Анх Улаанбаатар хотод төсөл хэрэгжүүлдэг байсан бол сүүлийн үед орон нутагт төсөл хэрэгжүүлж эхэлжээ. Тухайлбал, Дорноговь аймгийн Сайншанд сумын хөгжлийн бэрхшээлтэй хүүхдийн цэцэрлэгт тусгай тоног төхөөрөмж авч өгснөөс гадна энэ жилээс Хэнтий аймгийн Баянхутаг суманд төсөл хэрэгжүүлж байна.

Мөн эмэгтэй манлайлагчтай жижиг бизнесийнхнийг дэмжихийг зорьдог аж. Тиймээс эмэгтэй эзэдтэй бизнесийн төлөөллүүд энэ арга хэмжээнд оролцож буйгаараа онцлог байв. Тэдний бараа бүтээгдэхүүн, үйлчилгээг сурталчлах, олон нийтэд таниулах, Элчин сайдын яамтай холбох, үйл ажиллагаанд нь дэм болохыг хичээдэг байна. Жижиг бизнес эрхэлж байгаа болон үйлдвэрлэлээ дөнгөж эхлүүлж буй хүмүүс зах зээлээ олоход бэрхшээлтэй, танигддаггүй. Хэдийгээр жижиг, дунд үйлдвэрүүдийг дэмжих бодлогыг төр, засгаас баримталж байгаа ч тэднийг сурталчилж туслах зайлшгүй шаардлагатай учир эмэгтэй бизнес эрхлэгч, үйлдвэрлэл эрхлэгч хүмүүсээ танилцуулах зорилгоор тус арга хэмжээндээ оролцуулдаг байна.

 

Эх сурвалж: “Зууны мэдээ” сонин

2023 ОНЫ ЕСДҮГЭЭР САРЫН 18. ДАВАА ГАРАГ. № 185 (7170)

 

“СОНГОГЧ ТАНАА” гарын авлагыг хүлээн авна уу

Иргэдийн улс төрийн эрх, эрх чөлөөг хангаж, хамгаалах, сонгуулийн боло

5 цаг 43 мин
Украин дахь хямралын үеийн хүний эрхийн байдлын талаар

Украин нь ямар ч эргэлзээгүй ардчилсан улс гэсэн ойлголт Барууны мэдээллийн орон

5 цаг 43 мин
Дахин “давтагдашгүй” үндэсний үйлдвэрлэл

Нийслэлийн төв талбайд цагаан асрууд эгнүүлэн барьсан байх бөгөөд т

5 цаг 43 мин
А.Энхбаяр: “Guyuk” метаверсээр дамжуулан түүх, өв соёлоо өвлүүлэн үлдээнэ

“Азийн инновац соёлын форум 2024” технологи, соёлын мэргэжилтнүүдийн

5 цаг 43 мин
Нэг тэрбум иргэний эрхийн төлөө монгол эмэгтэй

Нийгэм нь түүнийг бүрдүүлэгч төрөл бүрийн хүмүүсийн онцлог бүлгү

5 цаг 43 мин
АН шударга өрсөлдөхийг уриалав

АН-аас цаг үеийн асуудлаар мэдээлэл хийлээ. Баянзүрх дүүрэгт нэр дэвшигч М.Тулгат “С

5 цаг 43 мин
Сонгинохайрхан дүүргийн гуравдугаар хорооныхоо иргэдтэй уулзаж, мөрийн хөтөлбөрөө танилцуулав

УИХ-ын сонгуулийн 11 дүгээр тойрогт МАН-аас нэр дэвшигчид иргэд, сонгогчидтой хий

5 цаг 43 мин
Г.Занданшатар: “Тэгш хэмт Алтан гурвалжин” хөтөлбөрөө танилцуулж байна

УИХ-ын дарга Г.Занданшатар Баянхонгор аймгийн Жаргалант суманд ажил

5 цаг 43 мин
Дөрөвдүгээр тойрог: Сонин, содон нэр дэвшигчидтэй хойд бүс

Монгол Улс ардчилсан тогтолцоонд шилжсэнээс хойш анх удаа пар

5 цаг 43 мин
Нам, эвслийн дарга нар “нээлтийн үг”-ндээ юуг онцолсон бэ?

УИХ-ын 2024 оны ээлжит сонгуулийн сурталчилгаа энэ сарын 10-нд эхэлсэн. Дөрөв хо

5 цаг 43 мин