Олон нийтийн цахим сүлжээнд энэ сарын 30-ны өдөр Монгол Улсын хил хязгаарын аюулгүй байдалтай холбоотой, үндэсний эрх ашгийг хөндсөн, үндэсний эв нэгдлийг бусниулах, олон нийтийг өдөөн хатгасан шинжтэй ноцтой мэдээлэл тавигдсан. Энэ нь зэвсэгт үймээн дэгдээх гэмт хэргийн шинжийг агуулсан байж болзошгүй байгаа тул тагнуулын байгууллагаас мөрдөн шалгах ажиллагааг шуурхай зохион байгуулж, холбогдох этгээдийг саатуулан шалгаж эхэлжээ. Дээрх мэдээлэл нь өдөөн хатгасан, зориуд зохион байгуулсан үйлдэл байж болзошгүй байгаа тул хуульд заасан чиг үүргийн хүрээнд шалгах ажиллаагааг хэрэгжүүлэх байгаа аж. Иймд тагнуулын байгууллагаас олон нийтийн сүлжээнд тавигдаж буй үндэсний аюулгүй байдалтай холбоотой илт худал мэдээ, мэдээлэлд автахгүй байхыг иргэд, олон нийтэд анхааруулж байна.