П.АМГАЛАН

УИХ-ын гишүүн Б.Пүрэвдорж, “Тэтгэврийг  7 биш 5 жилээр  тогтоох”-ыг шаардаж  Сүхбаатарын талбайд жагсаал зохион байгуулж байна.  Тэрбээр “Тэтгэвэрийн 7 жилийг 5 жилээр бодох хууль, 2018 оноос хойш долоон жилээр бодуулсан иргэдийн  тэтгэврийг  таван жилээр бодож, нөхөн олговор олгох  гэсэн хоёр  хууль өргөн барьсан. ЭЭнэ хугацаанд 60 гаруй удаа УИХ-ын индэр дээрээс энэ хуулийг хэлэлцэхийг шаардаж үг хэлсэн. Мөн хоёр ч удаа жагсаал зохион байгуулж байна. Энэ  нийгмийн даатгалын багц хуулийг өнгөрсөн нэгдүгээр сард олон нийтийн шаардлагын үндсэн дээр оруулж ирсэн. Гэтэл  хагас жил энэ хуулийг дарж хэлэлцэхгүй байна. Энэ сарын 15-наас жагсаал зохион байгуулах уриалгыг олон нийтэд гаргасан. Үүний үр дүнд 16-ны  үдээс хойш  УИХ-ын даргын зөвлөл хуралдаж аргагүй эрхэнд үнэн гүйцэгдэн нийгмийн даатгалын багц хуулийг энэ долоо хоногт хэлэлцэхээр оруулж ирсэн. Энэ бол ард түмний хүсэлтээр хийгдэж байгаа зүйл.  Үндсэн хуулийн нэмэлт өөрчлөлтөөр хороо, дүүрэг,  орон нутгаар явахад ард түмний хамгийн их шаардсан хууль “Тэтгэврийг  7 биш 5 жилээр  тогтоох”.  Энэ хууль хэрэгжснээр ахмадын тэтгэвэр 250-300 мянган төгрөг нэмэгдэх боломж бүрдэнэ” гэв.

Эх сурвалж:www.polit.mn