Б.ДАМДИН-ОЧИР

Иргэний нисэхийн боловсон хүчнээ гадаадад бэлтгэдэг тогтолцоо гэж дампуурсан ажиллагаа байна. Навигацийн орлогоор ёстой л “найрлаж” байдаг нөхдүүд аж, Иргэний нисэхийнхэн. Энэ удаад тэд нисэхийн бус мэргэжлээр гадаадад сургасан талаарх мэдээллийг хүргэе. 36 хүнд огт өөр мэргэжил эзэмшүүлэхийн тулд их хэмжээний мөнгө зарцуулжээ. П.Дэлгэрэхийг ОХУ-д Тээврийн эдийн засагчаар сургахад 2015 онд 15 600 ам.доллар, 2018 онд 15 064 ам.доллар, Б.Номондалайг АНУ-д Улс төр, гадаад харилцаагаар сургаж 2013 онд 102 994 ам.доллар, 2018 онд 105 338 ам.доллар, Д.Лхагважавыг АНУ-д Бизнесийн удирдлагын магистрт сургаж 2016 онд 69 676 ам.доллар, 2018 онд 66 741 ам.доллар, Н.Ганжигүүрийг АНУ-д Эдийн засагчаар сургаж 2010-2012 онд тус тус 57 090 ам.доллар, 70 769 ам.доллар, Г.Уранбаярыг АНУ-д Нисэхийн менежментээр сургахад 2010 онд 31 689 ам.доллар, 2012 онд 32 605 ам.доллар, Б.Бямбасүрэнг АНУ-д Олон улсын бизнесийн удирдлагын магисрт сургахад 2012 онд 63 735 ам.доллар, 2014 онд 48 465 ам.доллар, Б.Болор-Эрдэнийг АНУ-д Хүний нөөцийн менежментээр сургахад 2010 онд 35 935 ам.доллар, 2014 онд 35 935 ам.доллар, П.Галиндэвийг АНУ-д Төрийн удирдлагаар мэргэшүүлэхэд 2014 онд 27 000 ам.доллар, Л.Хонгорзулыг АНУ-д Олон улсын бизнес, худалдаа харилцаагаар сургахад 2014 онд 106 910 ам.доллар, 2017 онд 106 907 ам.доллар, Ж.Өлзийхишигийг АНУ-д Бизнесийн удирдлагын мастерт сургахад 2013-2016 онуудад 57 730 ам.доллар, 32 320 ам.доллар, 28 810 ам.доллар, 61 130 ам.доллар, С.Манлайг АНУ-д Бизнесийн удирдлагын докторт сурахад 2013 онд 118 957 ам.доллар, 2017 онд 110 407 ам.доллар, Г.Мөнх-Одыг АНУ-д сурсан сургууль, мэргэжил нь тодорхойгүй байхад 2014 онд 17 400 ам.доллар, Б.Золбоог АНУ-д Инженерээр сурахад 2016 онд 92 618 ам.доллар, 2018 онд 74 169 ам.доллар, Б.Тамирааг АНУ-д Бизнесийн удирдлагын магистрт сурахад 2015 онд 43 856 ам.доллар, 2017 онд 42 775 ам.доллар, Г.Бөртэгэлжинг АНУ-д Нисэхийн менежментээр сурахад 2019 онд 121 208 ам.доллар, 2023 онд 121 207 ам.доллар, Д.Баяртогтохыг АНУ-д Бизнесийн удирдлагаар сурахад 2020 онд 79 960 ам.доллар, 2022 онд 70 734 ам.доллар, Э.Мишээлийг Канадад Нягтлан бодогчоор сурахад 2016 онд 49 600 ам.доллар, 2018 онд 49 477 ам.доллар, Х.Энхжинг Канадад 2012-2016 онд Нисэхийн үйл ажиллагаа, 2016-2019 онд Тээвэр зохион байгуулалтаар  сурахад тус тус 194 700 ам.доллар, 48 199 ам.доллар, 108 913 ам.доллар, Л.Номинг Канадад 2012-2017 онд Нисэхийн технологиор сурахад тус бүр 152 200 ам.доллар, 207 802 ам.доллар, 2016-2019 онд Нисэхийн аюулгүй байдлаар сурахад 60 471 ам.доллар, 4 900 ам.доллар, Н.Болормааг Канадад Нисэхийн менежментээр сурахад 2015 онд 81 0192 ам.доллар, 2018 онд 81 091 ам.доллар, Б.Билгүүнмааг Австралид Олон улсын гадаад харилцаа, эдийн засагчаар сурахад 2014 онд 63 000 ам.доллар, 2017 онд 64 193 ам.доллар, Н.Хангалыг Австралид Бизнесийн матсерт сурахад 2014 онд 54 420 ам.доллар, 2015 онд 54 753 ам.доллар, Д.Эрдэнэ-Очирыг Австралид Мастерт сурахад 2013 онд 56 950 ам.доллар, 2015 онд 54 694 ам.доллар, Э.Энхмөнхийг Австралид Бизнесийн удирдлагын магистрт сурахад 2016 онд 75 884 ам.доллар, 2018 онд 75 651 ам.доллар, Б.Ундралыг Австралид Олон улсын санхүү, нягтлан бодох бүртгэлээр сурахад 2016 онд 56791 ам.доллар, 2018 онд 55 701 ам.доллар, Ч.Сэржмааг Австралид Мастерт сурахад 2014 онд 61 800 ам.доллар, 2017 онд 68 517 ам.доллар, О.Хуланг Австралид Иргэний нисэхийн үйл ажиллагааны менежментээр сурахад 2015 онд 125 436 ам.доллар, 2018 онд 125 341 ам.доллар, Л.Болд-Эрдэнийг Австралид Мэдээллийн технологиор сурахад 2016 онд 64 054 ам.доллар, 2019 онд 64 056 ам.доллар, Х.Бөртжинг Тайваньд Агаарын тээврийн эдийн засагчаар сурахад 2012 онд 7 860 ам.доллар, 2013 онд 20 949 ам.доллар, Т.Гэрэлсүрэнг Тайваньд Агаарын тээврийн зохион байгуулалтаар сурахад 2014 онд 23 400 ам.доллар, 2017 онд 22 791 ам.доллар, Э.Номингэрэлийг Тайваньд Агаарын тээврийн ложистикаар сурахад 2014 онд 10 600 ам.доллар, 2017 онд 10 876 ам.доллар, Т.Түвшинбатыг Тайваньд Агаарын тээврийн ложистикаар сурахад 2016 онд 22 392 ам.доллар, 2020 онд 17 344 ам.доллар, Г.Халигууныг Тайваньд Тээвэр зуучлалаар сурахад 2019, 2022 онуудад нийт 22 400 ам.доллар, Л.Чинболдыг Тайваньд Компьютерийн шинжлэх ухаан ба мэдээллийн инженерингээр сурахад 2019 онд 3 106 ам.доллар, 2022 онд 3 106 ам.доллар, М.Хишигбатыг Англид Агаарын тээврийн төлөвлөлт болон менежментээр сурахад 2014 онд 83 265 ам.доллар, 2015 онд 66 986 ам.долларыг тус тус “..Сургалтын төлбөр”-т шилжүүлжээ. Дээрх хүмүүст ингэж мөнгө зарцуулахдаа “...Шаардлагатай бус мэргэжил”, “...Агаарын тээврийн төлөвлөлт, Агаарын тээврийн менежмент гэж бүртгүүлсэн боловч Бизнесийн менежментээр сурсан”, “...Нисэхийн менежментээр сурсан гэж бүртгүүлсэн боловч Бизнесийн менежментийн чиглэлээр суралцсан” гэсэн “хэрэг” өдүүлсэн байгаа юм.

Эх сурвалж: “Зууны мэдээ” сонин

2023.6.13 МЯГМАР № 116 (7101)