Т.САЙХАН

Монголын Ардчилсан холбоог үүсгэн байгуулагч Д.Баасангийн эхнэр Д.Алтанцэцэг, охин Б.Эрдэнэзул нарт холбогдох хэргийг Улсын дээд шүүхийн хяналтын шатны эрүүгийн хэргийн шүүх өчигдөр шийдвэрлэжээ. Тодруулбал, Д.Алтанцэцэг, Б.Эрдэнэзул, Бао Гуо Жун нарт холбогдох хэргийг шүүгдэгч нар, тэдний өмгөөлөгчдийн гомдлыг үндэслэн хэлэлцэж, давж заалдах шатны шүүхийн магадлалыг хэвээр үлдээсэн байна. Хэргийг эргэн сануулахад, иргэн Д.Алтанцэцэг, түүний охин Б.Эрдэнэзул нарыг БНХАУ-ын тагнуулын албатай хамтран ажилласан гэх үндэслэлээр буруутгаж, шүүх хурал өнгөрсөн оны аравдугаар сард болж, ээж, охин хоёрт тус бүр найм жил, хамтран ажилласан тагнуулын ажилтан Бао Гуо Жунд 12 жилийн хорих ял оноогоод байсан билээ.

Тэгвэл Чингэлтэй дүүргийн Эрүүгийн хэргийн анхан шатны шүүх дээрх хэргийг хянан хэлэлцэж,  Нийслэлийн Эрүүгийн хэргийн давж заалдах шатны шүүх хорих ялыг хэвээр үлдээсэн байна. 

Эх сурвалж:www.polit.mn