“...Долдугаар сарын 1”-ний хэргийг дахин шалгах уу?!

2023-04-14
Нийтэлсэн: Админ
 2 мин унших

Б.ДАМДИН-ОЧИР

 

С.Зоригийг хөнөөсөн хэрэг задрах бололтой. Буруутаад байсан Т.Чимгээ, Б.Содномдаржаа нарыг эрүүдэн шүүж байгаад хэрэг хүлээлгэсэн болж таарсан. Хэрвээ “...Энэ хоёр хүн буруутай нь нотлогдохгүй байна” гэсэн мөрдөгчийн саналыг прокурор баталгаажуулбал шүү дээ. Тэгснээр С.Зоригийг хөнөөсөн хэргийг үйлдсэн этгээд болоод захиалагчийг шинээр “тодруулна” гэсэн үг. Нөгөө талаар хэрэгт хяналт тавьж байсан прокурор, хэргийг шүүсэн шүүгч нарын асуудал ч сөхөгдөхийг үгүйсгэхгүй. Хамгийн гол нь ямар зорилгоор дээрх хоёр хүнд хэргийг үүрүүлсэн бэ гэдэг маш ноцтой юм. Тэгэхээр улстөрчдийн оролцоо бас гарч ирнэ.

С.Зоригийг хөнөөсөн хэрэгтэй тун төстэй “сценар”-аар шийдэгдсэн нэг хэрэг байдаг. Тэр нь “...Долдугаар сарын 1”-ний хэрэг. Таван хүн амиа алдсан. Тэдний дөрөв нь буудуулсан гэдэг. Уг нь энэ хэрэг 2008 оны УИХ-ын сонгуулийн санал хураалттай холбоотой. Саналын дүнг эсэргүүцсэн ултөрчдийн “манлайлал”-аас үүдэлтэй гэдэг. 2008 оны зургадугаар сарын 30-нд УИХ-ын сонгуулийн санал хураалт болж тухайн үеийн МАХН 41, АН 29, бусад нь дөрвөн суудал авсан.  АН, БНН, Иргэний эвслийн удирдлагууд “...Эрх баригчид луйвардлаа” гэж мэдэгдсэн. Маргааш нь буюу долдугаар сарын 1-ны үдээс өмнө Сүхбаатарын талбайд дээрх улс төрийн хүчнүүд цуглаан зохион байгуулсан. Ингэж тэр үймээний суурь тавигдсан байдаг. Харин хэрэг явдлын дараа уг үймээнийг зохион байгуулсан гэгддэг улстөрчид ямар нэг хариуцлага үүрэлгүй үлдсэн байдаг. Харин цагдаагийн хэдэн дарга л ял үүрээд өнгөрсөн. Энд нэг анхаарал татах зүйл байдаг. Үймээний үеэр хүний амь хөнөөсөн гэгдэж шалгуулж байсан цагдаагийн алба хаагчдын үйлдэл нь тогтоогдоогүй гэж хэрэгсэхгүй болгосон. Энэ нь үймээний үеэр амиа алдсан хүмүүсийг хэн хөнөөсөн нь тогтоогдоогүй гэсэн үг. Үнэхээр ч цагдаагийнхан уг хэргийг хүлээгээгүй байдаг. Мөн тухайн үеийн Ерөнхий сайд “...Хэрвээ цагдаагийнхан иргэдийг буудсан бол би хариуцлага хүлээнэ” гэж мэдэгдэж байв. Гэвч эцэст нь цагдаагийн зарим даргыг яллаад өнгөрсөн. Тэднийг ялласан шүүгч нар ч түүнээс хойш тасралтгүй дэвшсээр карьерынхаа оргилд хүрчихээд байгаа юм. Үүнийг “...Шагналаа авсан” хэмээн үздэг.Зарим нь “...Монголын хамгийн том шүүгч болно гэчихсэн тууж яваа” гэж яригдаж байна. Түүнчлэн 2014 онд Ерөнхий прокурор болсон эрхэм энэхүү хэргийг босгож ирээд тухайн үеийн цагдаагийн байгууллагын удирдлагуудыг буруутгаад “хаах” үйл ажиллагааг зохион байгуулсан гэгддэг. Энэ мэтээр С.Зоригийг хөнөөсөн хэрэгтэй төстэй буюу хэн нэгэнд бурууг үүрүүлэх байдлаар “...Долдугаар сарын 1”-ний хэргийг хаасан гэгддэг. Тиймээс уг хэргийн жинхэнэ буруутан илрэх цаг нь болсон бололтой. Эх сурвалжийн мэдээллээр, хууль хяналтынхан энэ хэргийг сэргээн шалгаж эхлэхээр болсон байна.

Эх сурвалж: “Зууны мэдээ” сонин

2023 ОНЫ ДӨРӨВДҮГЭЭР САРЫН 13. ПҮРЭВ ГАРАГ. № 74 (7059)

 

Ерөнхийлөгч У.Хүрэлсүх Бүгд Найрамдах Киргиз Улсад төрийн айлчлал хийнэ

Ерөнхийлөгч У.Хүрэлсүх Бүгд Найрамдах Киргиз Улсад төрийн айлчлал хийнэ

20 цаг 13 мин
Г.Занданшатар: Эрчим хүчний салбар өртөг зардлаа бууруулсны дараа үнэ тарифын асуудлыг ярих ёстой

Г.Занданшатар: Эрчим хүчний салбар өртөг зардлаа бууруулж, үр ашгаа нэмэгдүүлсний дараа үнэ тарифын асуудлыг ярих ёстой

20 цаг 16 мин
УОК-ын дарга С.Амарсайхан ОБЕГ-ын шуурхай штабт ажиллав

УОК-ын дарга С.Амарсайхан ОБЕГ-ын шуурхай штабт ажиллав

20 цаг 21 мин
Ерөнхийлөгч У.Хүрэлсүх Бүгд Найрамдах Тажикистан Улсад төрийн айлчлал хийнэ

Ерөнхийлөгч У.Хүрэлсүх Бүгд Найрамдах Тажикистан Улсад төрийн айлчлал хийнэ

20 цаг 25 мин
128 бөхийн сорьцыг Германд шинжлүүлнэ

128 бөхийн сорьцыг Германд шинжлүүлнэ

2025-07-13
Япон Улсын Цог Жавхлант Эзэн Хаан Нарүхито, Эрхэм дээд Хатан Масако нарын төрийн айлчлал өндөрлөлөө

Япон Улсын Цог Жавхлант Эзэн Хаан Нарүхито, Эрхэм дээд Хатан Масако нарын төрийн айлчлал өндөрлөлөө

2025-07-13
Япон Улсын Эзэн Хаант ёсны тухай

Япон Улсын Эзэн Хаант

2025-07-11
Ж.Урангуа: Япон Монголын эрдэмтдийн хамтын ажиллагаа зөвхөн шинжлэх ухааны ололтоор зогсохгүй хоёр орны ойлголцол найрсаг харилцааны бат үндэс юм

Ж.Урангуа: Япон Монголын эрдэмтдийн хамтын ажиллагаа зөвхөн шинжлэх ухааны ололтоор зогсохгүй хоёр орны ойлголцол найрсаг харилцааны бат үндэс юм

2025-07-11
Баяр наадмын хүндэт зочин

Баяр наадмын хүндэт зочин

2025-07-11
Ерөнхийлөгч У.Хүрэлсүх Бүгд Найрамдах Киргиз Улсад төрийн айлчлал хийнэ

Ерөнхийлөгч У.Хүрэлсүх Бүгд Найрамдах Киргиз Улсад төрийн айлчлал хийнэ

20 цаг 13 мин