Т.САЙХАН
Сонгуулийн ерөнхий хорооноос аймаг, нийслэл, сум, дүүргийн иргэдийн Төлөөлөгчдийн Хурлын 2023 оны нөхөн болон дахин сонгуулийн үйл ажиллагааг зохион байгуулах цаг хугацааны хуваарийг баталсан.
НИТХ өнөөдөр ээлжит бусаар хуралдаж Нийслэлийн сонгуулийн хороог байгуулсан байна.
Нийслэлийн Сүхбаатар, Баянгол дүүрэгт нөхөн сонгуультай бөгөөд санал хураалтыг 2023 оны зургаадугаар сарын 18-ны өдөр зохион байгуулна.
Харин зөөврийн битүүмжилсэн хайрцгаар өмнөх өдөр нь санал авахаар баталжээ.
Нийслэлийн сонгуулийн хороог долоон хүний бүрэлдэхүүнтэй байгуулж, Нийслэлийн ЗДТГ-ын Төрийн захиргааны удирдлагын хэлтсийн дарга Ү.Ганболд удирдахаар болсон байна. Түүнийг 2000 оноос хойш УИХ, Ерөнхийлөгч, орон нутгийн сонгуулиар Нийслэл, дүүргийн сонгуулийн хорооны дарга, гишүүнээр ажилласан туршлагатай гэж үзэн Нийслэлийн сонгуулийн хорооны даргаар томилжээ.
Эх сурвалж:www.polit.mn