Т.САЙХАН

 УИХ-ын гишүүн асан Т.Бадамжунайг цагдан хорих хүсэлтийг өнөөдөр /04.07/ 11.00 цагт Сүхбаатар дүүргийн Эрүүгийн хэргийн анхан шатны шүүхийн байранд хэлэлцэнэ.

Түүнийг Засгийн газрын “Шувуу” ажиллагааны хүрээнд Филиппин улсад саатуулж, Монголд авчирсан. Энэ үеэр Хууль зүй, дотоод хэргийн сайд Х.Нямбаатар “ Филиппин улсын хууль сахиулах байгууллагуудын зүгээс Т.Бадамжунайг албадан саатуулсан. Албадан саатуулах процесс үндсэндээ 10 гаруй цаг үргэлжилсэн. Үүний дараа бид хүсэлт тавьсан. Иргэн Бадамжунай албадан гаргахад татгалзах зүйлгүй, өөрөө монгол руу явах хүсэлтэйгээ илэрхийлсэн. Энэ дагуу процессын нэлээн урт ажиллагаа явагдсан. АТГ-ынхан түүнд баривчлах тогтоолыг танилцуулна. Эхний ээлжинд баривчилж байх шиг байна, үүний дараа цагдан хорих, таслан сэргийлэх арга хэмжээ авах эсэхийг мөрдөн шалгах байгууллага шийдэх байх" гэсэн юм.

Эх сурвалж:www.polit.mn