Н.Учрал: Хөдөө аж ахуйн сангийн мэдээллийг нээлттэй болгоно

2023-04-06
Нийтэлсэн: Админ
 4 мин унших

Б.ДОЛЖИНЖАВ

 

Засгийн газрын ээлжит хуралдаанаас гарсан шийдвэрийн талаар Цахим хөгжил, харилцаа холбооны сайд Н.Учрал мэдээлэл өглөө. Түүний байр суурийг хүргэж байна.

 

-Таван “Ш” ажиллагааны “Шилэн” ажиллагааг танай яам хариуцаж байгаа.Энэ хүрээнд төрийн байгууллагуудын мэдээллийн нээлттэй байдалд үнэлгээ хийсэн юм байна. Ямар үр дүн гарсан бэ?

-Нийтийн мэдээллийн ил тод байдлын хуулиар мэдээлэл хариуцагч 5000 гаруй байгууллагын 68 төрлийн мэдээллийг ил тод, нээлттэй байлгахаар хуульчилсан. Үүнтэй холбогдуулан ЦХХХ-ны яамнаас shilen.gov.mn үндэсний портал сайтыг ажиллуулж байна. Энэ сайтын нийтэлсэн мэдээлэлд үнэлгээ хийж үзлээ. Ингэхэд яамд 71 хувь, төрийн захиргааны байгууллага буюу агентлагууд 51 хувь, нутгийн захиргааны 22 байгууллага 47 хувьтайгаар үнэлэгдэж нийтдээ мэдээлэл хариуцагч нар мэдээллээ ил тод болгож байгаа байдал 57 хувьтай байна. АТГ-тай хамтарч УИХ-аас удирдан томилогддог есөн байгууллагын хүрээнд нээлттэй мэдээллийн ил тод байдлын үнэлгээ хийж, дунджаар 52 хувьтай гарсан. Ирэх долоо хоногоос shilen.gov.mn нэгдсэн порталд  мэдээлэл хариуцагч байгууллагуудын жагсаалтыг гаргаж, өнгөөр нь ялган, байр эзлүүлж долоо хоног бүр Засгийн газарт шилэн индексийн талаарх мэдээллийг хүргэнэ.

-Засгийн газрын хуралдаанаар “Шилэн” ажиллагааг эрчимжүүлэх чиглэлээр Ерөнхий сайд хэд хэдэн албан даалгаврыг өгсөн юм байна. Эдгээрт ямар мэдээллүүдийг ил болгох шийдвэр багтсан бэ?

-Нийтийн мэдээллийн ил тод байдлын хуульд заасан 68 төрлийн мэдээллийг нэгтгэж, машин унших форматаар бэлтгэн энэ оны зургаадугаар сарын 1-ний дотор ЦХХХ-ны яаманд хүргүүлэхийг үүрэг болголоо. Нэгдүгээрт, тусгай хамгаалалттай нутаг дэвсгэрт олгосон газар ашиглах гэрчилгээ, байгуулсан гэрээ, газар ашиглалтын төлбөр төлөлтийн байдал, хүн, хуулийн этгээдийн үйл ажиллагаа, үйлдвэрлэл үйлчилгээний явцад байгаль орчинд учруулж болзошгүй сөрөг нөлөөлөл, үр дагавар тэдгээрийг арилгах арга хэмжээг тогтоосон байгаль орчны нөлөөллийн үнэлгээг хийж газрын хэвлийн баялгийг ашигласнаар байгаль орчинд үзүүлэх нөлөөллийн мэдээллийг хүргүүлэхийг БОАЖ-ын сайдад үүрэг болгосон.Хоёрдугаарт, төрийн болон орон нутгийн өмчит, төрийн болон орон нутгийн оролцоотой хувийн эрхзүйн хуулийн этгээдийн удирдах зөвлөл, хяналтын зөвлөлийн бүтэц бүрэлдэхүүн тэдгээрийн гишүүн болон гүйцэтгэх удирдлагын эцэг эхийн нэр, өөрийн авч байгаа цалин хөлс, урамшуулал тухайн хаяг, тухайн хуулийн этгээдийн удирдлагад тавигдах шаардлага удирдлагыг сонгон шалгаруулсан журам, сонгон шалгаруулах ажиллагааны товыг хүргүүлэхийг Төрийн өмчийн бодлого, зохицуулалтын газрын даргад үүрэг болголоо. Гуравдугаарт, Засгийн газрын тусгай сангийн хөрөнгийн зарцуулалт, гүйцэтгэл санхүүжүүлсэн төсөл арга хэмжээний мэдээллийг холбогдох шийдвэрийн хамт хүргүүлэхийг Засгийн газрын тусгай сангийн удирдлагуудад, хот болон газар зохион байгуулалтын төлөвлөлт түүнд нэмэлт өөрчлөлт оруулах шийдвэрийн явцын талаарх мэдээллийг хүргүүлэхийг аймаг, нийслэлийн Засаг дарга нарт даалгалаа. Мөн тендерт шалгарсан болон шалгараагүй оролцогчийн талаар товч мэдээлэл, шалгарсан болон шалгараагүй хуулийн үндэслэл, шалтгааны мэдээллийг ирүүлэхийг ЗГ-ын гишүүд, аймаг,нийслэлийн Засаг дарга, Төрийн өмчийн бодлого, зохицуулалтын газар, Төрийн худалдан авах ажиллагааны газарт үүрэг болголоо.Нийтийн мэдээллийн ил тод байдлын тухай хуулийн хэрэгжилтийг хангаж тайланг нэгтгэж ирүүлэхийг дээрх албан тушаалтнуудад даалгалаа.

-Дээрх албан даалгаврыг биелүүлээгүй тохиолдолд ямар хариуцлага тооцох вэ?

-Албан даалгаврын хэрэгжилтэд хяналт тавьж, зургаадугаар сарын 1-нд үнэлэн биелүүлээгүй албан тушаалтанд хариуцлага тооцож ажиллахыг  ЗГХЭГ-ын дарга Д.Амарбаясгаланд даалгасан. Хэрэв энэ хуулийг хэрэгжүүлэхгүй, энэ оны зургаадугаар сарын 1-нээс өмнө мэдээллээ ирүүлээгүй тохиолдолд тухайн төрийн албан тушаалтныг Авлигатай тэмцэх газарт шилжүүлнэ.  Хуулийг биелүүлэхгүй байгаа шалтгаан нь АТГ-т шилжүүлэх үндэслэл болно гэж үзэж байна.

-Тусгай сантай холбоотой мэдээлэл ээлж дараалан нээлттэй болсоор байна. Одоо ил болгохоор төлөвлөж байгаа мэдээлэл бий юу?

-Ирэх долоо хоногт Хөдөө аж ахуйн сангийн мэдээллийг shilen.gov.mn платформоор дамжуулж олон нийтэд нээлттэй болгоно.Үүнд хууль зөрчсөн эсэх, газраа зориулалтын дагуу ашигласан эсэхэд олон нийт, хэвлэл мэдээллийн байгууллагууд үнэлэлт дүгнэлт өгч, шүгэл үлээх боломжтой. Гэхдээ  хуулийн хүрээнд үйл ажиллагаа явуулж, авсан газраа зориулалтынх нь дагуу ашиглан татвараа цаг тухайд нь төлж байгаа байгууллагуудад ямар нэгэн хуулийн зөрчил байхгүй. “Шилэн” ажиллагааны үр дүнд аливаа асуудалд статистик тоон мэдээлэлтэй, илүү бодитой ханддаг, ил тод нийгмийг бүтээх нь гол зорилго нь юм.Тиймээс үндэслэлгүйгээр хэн нэгнийг гүтгэх, олон нийтийн сүлжээгээр болон нийгмээр яллах байдлыг зогсоох ёстой. Тусгай хамгаалалттай газартай холбогдуулаад бид өдөр бүр байгаль орчны яамнаас ирүүлж байгаа мэдээллүүдийг шинэчилж, мэдээллийг нэмэх ажлыг зохион байгуулж байна. Гааль татварын санхүүгийн мэдээллийн технологийн төвтэй хамтраад тухайн газрын төлбөр болон татвар төлөлтийн байдлуудыг татварын системтэй нэгтгэж байна. Цаашлаад тусгай хамгаалалттай газруудад тухайн иргэн, аж ахуй нэгж газрынхаа төлбөрийг цаг тухайд нь төлж байсан уу, үгүй юу гэдгийг тодорхой болгох бололцоотой.Долоо хоног бүр мэдээллээ нэмээд шинэчлээд явна. Үүний үр дүнд ерөнхий сайдын өгсөн албан даалгаврын хүрээний мэдээлэл нээлттэй болно.

Эх сурвалж: “Зууны мэдээ” сонин

2023 ОНЫ ДӨРӨВДҮГЭЭР САРЫН 6. ПҮРЭВ ГАРАГ. № 69 (7054)

 

Усны дээд хэмжээний чуулган эхэллээ

Усны асуудлаарх дэлхийн дээд хэмжээний чуулган даваа гараг

8 цаг 6 мин
Шинжээч: Хотын дарга Д.Сумъяабазарт эрх шилжүүлж, хөрөнгө оруулалтын эрхийг даалгасан байна

Шинжээч: Хотын дарга Д.Сумъяабазарт Эрх шилжүүлж, хөрөнгө оруулалтыг эрхийг даалгасан байна

9 цаг 52 мин
Ашигт малтмалын лиценз олголтын сонсголыг 29,30-нд товлов

Ашигт малтмалын лиценз олголтын сонсголыг 29-30-нд товлов

11 цаг 2 мин
Танилц: ХҮН-аас нэр дэвшигчид

Танилц: ХҮН-аас нэр дэвшигчид

12 цаг 27 мин
Танилц: МАН-аас нэр дэвших 126 нэр дэвшигч

Танилц: АН-аас нэр дэвших 126 нэр дэвшигч

14 цаг 5 мин
“Нийгмийн эрүүл мэндийг дэмжих жил-2024” өдөрлөг Сүхбаатарын талбайд болж байна

“Нийгмийн эрүүл мэндийг дэмжих жил-2024” өдөрлөг Сүхбаатарын талбайд болж байна

14 цаг 27 мин
МАН-ын дарга тойрогт өрсөлдөнө, бусад нь жагсаалтад...

МАН-ын дарга тойрогт өрсөлдөнө, бусад нь жагсаалтад...

14 цаг 32 мин
Зургаадугаар сарын 2-ноос өмнө хугацаа хэтэрсэн зээлээ төлбөл зээлийн ангилал сайжирна

Зургаадугаар сарын 2-ноос өмнө хугацаа хэтэрсэн зээлээ төлбөл зээлийн ангилал сайжирна

15 цаг 7 мин
Э.Бат-Үүл: Монголын ардчилал “нохойн наадам” болж дууссаныг харлаа

Э.Бат-Үүл: Монголын ардчилал “нохойн наадам” болж дууссаныг харлаа

15 цаг 38 мин
Танилц: МАН-ын жагсаалтад багтсан 48 нэр дэвшигч

Танилц: МАН-аас жагсаалтад багтсан 48 нэр дэвшигч

15 цаг 44 мин