Ц.БАЯР

Америкт шүглийг бүх түвшний аюулаас хамгаалах хэрэгсэл гэж  яаралтай тусламжийн хайрцагт багтаасан байдаг байна. Хүүхдийн өөрийгөө хамгаалах ба аюулгүй байдал нь хүүхдийг өөрийгөө үнэлэх, ухамсарлах, өөртөө итгэлтэй байх ур чадвар, бие бялдрын өөрийгөө хамгаалах арга техникээр дамжуулан чадавхжуулахад суурилсан хүүхдийн хүчирхийллээс урьдчилан сэргийлэх оролцуулах зорилгоор төрөл бүрийн шүгэл  төслийг хэрэгжүүлдэг юм байна. Эцэг эхчүүд хүүхдүүдээ эрсдэлтэй тулгарах үед үргэлж дэргэд байж чаддаггүй. Аюулгүй хүүхдүүд аюулгүй байдлын талаарх мэдлэгтэй  байхын тулд өөрсдийн гэр бүлийн аюулгүй багц, гамшиг үзэгдэл, эрсдэл үүсхэд хэрэглэх шүгэл хэрэглэгдэхүүнийг тодорхой байдлаар санал болгож ирсэн байна. Олон орны хүмүүс аюул, зовлон зүдгүүрийг бусдад сэрэмжлүүлэх, тусламж дуудах зорилгоор шүгэл ашигладаг аж.  Хүмүүс хэн нэгэнд тусламж хэрэгтэй байгааг мэдэж, хүчирхийлэл, хүчирхийлэл үйлдэгчдийг муу санаагаа хэрэгжүүлэхээс нь сэргийлдэг хэрэгсэл хэмээн  Филиппиний Хүүхдийн сангийн үндэсний захирал Кэтрин Маник  Хөгжлийн бэрхшээлтэй хүүхдүүдийн эсрэг хүчирхийлэл, хүчирхийллээс урьдчилан сэргийлэх зорилгоор "Хамгаалах шүгэл" кампанит аянг танилцуулахдаа үеэрээ онцложээ. Өөрөөр хэлбэл, "Чанга шүгэл бол хувийн хамгаалалтын хамгийн найдвартай хэлбэрүүдийн нэг" гэсэн юм. Гэвч "Филиппин дэх ихэнх хөгжлийн бэрхшээлтэй хүмүүс  гамшгийн шүгэл ашигладаггүй, эсвэл байгаа бол тэдний эргэн тойронд байгаа хүмүүс гамшгийн шүгэлд хариу үйлдэл үзүүлэх зуршилгүй байдаг аж. Тиймээс тус улсад энэ явдалд хариу үзүүлэх зорилгоор "Хамгаалах шүгэл" кампанит ажлын өрнүүлдэг байна. Тусламж хэрэгтэй байгаа нөхцөлд шүгэл ашиглан дууд дохио илгээх боломжтой юм.

Олон улсын цагдаа нар шүглийг түлхүү ашигладаг

Шүгэл нь нохойг айлгах, анхаарлыг татахад ашиглаж болохын зэрэгцээ мed аlert эсвэл цэцэрлэгт хүрээлэнд хүүхдүүдэд дохио өгөх хүүхдийн аюулгүй байдал гэх мэт үйл ажиллагааны хүрээнд шүглийг байнгын хэрэгсэлээр сонгон хэрэглэж байна. Цагдаагийн гэмт хэрэг зөрчлөөс урьдчилан сэргийлэх бодлого, зохицуулалтын хүрээнд иргэний оролцоо, харилцан туслалцааг идэвхижүүлэх, дэмжих нь хамгийн чухал үйл ажиллагааны нэг юм.  Ахлах сургуулийн сурагчид, коллежийн хотхоны аюулгүй байдал, өндөр настны эрүүл мэндийн сэрэмжлүүлэг, олон нийтийн газар үйлдэгдэж болзошгүй гэмт хэрэг, зөрчилийг буруулахад зориулан шүгэл, дуут бугуйвчийг зүүхийг санал болгон ажиллаж байгаа сайн туршлага байна хэмээн  https://www.theiacp.org/ сайтад дурьдсан байна.

Солонгосын зарим сургууль аюулгүй байдлыг хангахын тулд шүгэл аян өрнүүлдэг

Сөүл хотын Дэхён бага сургуульд нийгмийн хамгаалал, анхаарал халамж шаардлагатай бага сургуулийн хүүхдүүдэд зориулсан 'Аюулгүй сургууль' аяныг 2016 оноос эхлэн зохион байгуулж  иржээ. Аюулгүй байдлын аян нь ADT Caps-аас хүүхэд, хөгжлийн бэрхшээлтэй, ядуу, өндөр настан зэрэг нийгмийн халамжийн бэрхшээлтэй иргэдэд зориулсан нийгмийн хамгааллын сүлжээг бүрдүүлэх зорилгоор тасралтгүй явуулж буй олон нийтэд өөрийгөө хамгаалах хэрэгсэл болох шүглийг  тараан өгч, шүгэл хэрэглэх ач холбогдол, заавар зөвлөмжийг таниулан сурталчилах үйл ажиллагаа тасралтгүй зохион байгуулан ажиллаж байгаа бөгөөд энэ нь олон нийт, иргэдийн дэмжлэгийг өндөр хүлээсэн ажил болон сайшаагдсаар иржээ.