“ЗМ”-ний тодруулга

О.Бум-Ялагч: МАНАН-гийн угшилтай хүмүүс  Монголын улс төрд  гай тарьж байна

Ч.Олдох

-Хоёр хөршийн төрийн тэргүүнийг ирэх үеэр парламентад суудалгүй намууд болон иргэний хөдөлгөөнүүд жагсана гэсэн мэдээлэл дуулдаж байгаа. Та бүхэн тавих шаардлагаа нэгтгэсэн үү?

-Бид өнөөдөр 16 цагт цуглаж, тэр талаар ярина. Ирэх үеэр нь жагсах уу, явахад нь жагсах уу гэдгээ тодорхой болгоно. Парламентад суудалгүй намуудаас гадна иргэний хөдөлгөөнүүд жагсч шаардлага тавихаа илэрхийлээд байх шиг байна. Тэд бас дотооддоо асуудлаа ярьж байгаа байх.

-Саяхан МАН хоёр хөршийн төрийн тэргүүнийг ирэх үеэр жагсах хэрэггүй гэсэн мэдэгдэл гаргасан байсан. Ардын намаас парламентад суудалгүй намуудтай байгуулсан “Үндэсний зөвшилцөл”-ийнхөө хүрээнд “жагсах хэрэггүй” –г сануулаад байгаа юм биш үү?

-Ардын нам тийм мэдэгдэл гаргасан байна лээ. Түүнийг нь парламентад суудалгүй зарим нам дагаж хүлээж аваад байж магадгүй. Бидний хувьд бол тавьж байгаа шаардлага маань хэвээрээ, асуудлаа яръя гээд 16 цагт намуудын төлөөлөл  цуглахыг хүлээгээд  сууж байна.

-Шаардлагын агуулгад нэмэгдсэн болон өөрчлөгдсөн зүйл байна уу?

-Бид  нэлээд эртнээс хэлж, шаардаж  ирсэн шүү дээ, хоёр хөршийн төрийн тэргүүнийг ирэхээс өмнө  УИХ-ын ээлжит бус чуулганыг яаралтай зарлан хуралдуулж, Засгийн газрын тухай асуудлыг хэлэлц, огцруул гэж. Ёс зүйн болон хууль эрхзүйн чадамжгүй Засгийн газар хоёр хөршийн төрийн тэргүүнтэй хэлэлцээр хийх эрхгүй тул даруй огцруул гэж шаардсан. УИХ-ын даргад өргөх бичигээ барьсан. Тэр шаардлага хэвээрээ байгаа.

-УИХ-ын даргаас та бүхэнд ямар хариу өгсөн бэ?

-УИХ-ын дарга З.Энхболдоос Ногоон намын нэр дээр хаяглан албан бичиг ирүүлсэн. Түүндээ олон хуулийн заалт дурьдсан байна лээ. Тухайлбал, УИХ-ын тухай хуулийн 16.2-ын 4 дэх хэсэг, 7.7-ийн нэг хэсэгт зааснаар  нийт гишүүдийн гуравны нэг нь ээлжит бус чуулганыг зарлан хуралдуулах саналаа тавьбал хуралддаг юм гэнэ. Засгийн газрын тухайд бол нийт гишүүдийн дөрөвний нэг нь огцруулах саналаа оруулвал хэлэлцэх юм байна.

-Хариуцлагын асуудлыг шударгаар  тавьж байхад, яагаад хэлэлцдэггүй юм бол. Энэ талаар та юу хэлэх вэ?

-Уг нь энэ бол боломжтой асуудал. МАН гэхэд л УИХ-д 25 суудалтай шүү дээ. Гэтэл асуудал ярихаар гишүүд нь намынхаа бодлого, шийдвэрийн эсрэг кноп дардаг бололтой. Бас нэг анзаарагдаж байгаа зүйл нь УИХ-ын нэг анги гэдэг утгаараа асуудалд хандаад байх шиг. Дээр нь УИХ-д МАНАН-гийн угшил бүхий нөхдүүд байдаг, тэд нийлж тоглолт хийгээд байгаа юм. Тэр нөхдүүд  Монголын улс төрд  гай тарьж байна.

-Та хэвлэлд өгсөн ярилцлагдаа БНХАУ манай улсын нэрийг “Мангу” гэж ярьж, бичдэг. Тэрхүү хятад ханз нь “тэнэг, мангар” гэсэн ойлголтыг илэрхийлдэг. Үүнийгээ өөрчил гэсэн шаардлага тавина гэж байсан. Тэр юу болсон бэ?

-Бид шаардлагаа тавина. Энэ талаар болон бусад асуудлыг  өнөөдөр 16 цагт болох намуудын төлөөллүүдийн уулзалтаар ярьж, нэгдсэн байр сууриа тодорхой болгоно.

“ЗМ”-ний тодруулга

Ч.Олдох

-Хоёр хөршийн төрийн тэргүүнийг ирэх үеэр парламентад суудалгүй намууд болон иргэний хөдөлгөөнүүд жагсана гэсэн мэдээлэл дуулдаж байгаа. Та бүхэн тавих шаардлагаа нэгтгэсэн үү?

-Бид өнөөдөр 16 цагт цуглаж, тэр талаар ярина. Ирэх үеэр нь жагсах уу, явахад нь жагсах уу гэдгээ тодорхой болгоно. Парламентад суудалгүй намуудаас гадна иргэний хөдөлгөөнүүд жагсч шаардлага тавихаа илэрхийлээд байх шиг байна. Тэд бас дотооддоо асуудлаа ярьж байгаа байх.

-Саяхан МАН хоёр хөршийн төрийн тэргүүнийг ирэх үеэр жагсах хэрэггүй гэсэн мэдэгдэл гаргасан байсан. Ардын намаас парламентад суудалгүй намуудтай байгуулсан “Үндэсний зөвшилцөл”-ийнхөө хүрээнд “жагсах хэрэггүй” –г сануулаад байгаа юм биш үү?

-Ардын нам тийм мэдэгдэл гаргасан байна лээ. Түүнийг нь парламентад суудалгүй зарим нам дагаж хүлээж аваад байж магадгүй. Бидний хувьд бол тавьж байгаа шаардлага маань хэвээрээ, асуудлаа яръя гээд 16 цагт намуудын төлөөлөл  цуглахыг хүлээгээд  сууж байна.

-Шаардлагын агуулгад нэмэгдсэн болон өөрчлөгдсөн зүйл байна уу?

-Бид  нэлээд эртнээс хэлж, шаардаж  ирсэн шүү дээ, хоёр хөршийн төрийн тэргүүнийг ирэхээс өмнө  УИХ-ын ээлжит бус чуулганыг яаралтай зарлан хуралдуулж, Засгийн газрын тухай асуудлыг хэлэлц, огцруул гэж. Ёс зүйн болон хууль эрхзүйн чадамжгүй Засгийн газар хоёр хөршийн төрийн тэргүүнтэй хэлэлцээр хийх эрхгүй тул даруй огцруул гэж шаардсан. УИХ-ын даргад өргөх бичигээ барьсан. Тэр шаардлага хэвээрээ байгаа.

-УИХ-ын даргаас та бүхэнд ямар хариу өгсөн бэ?

-УИХ-ын дарга З.Энхболдоос Ногоон намын нэр дээр хаяглан албан бичиг ирүүлсэн. Түүндээ олон хуулийн заалт дурьдсан байна лээ. Тухайлбал, УИХ-ын тухай хуулийн 16.2-ын 4 дэх хэсэг, 7.7-ийн нэг хэсэгт зааснаар  нийт гишүүдийн гуравны нэг нь ээлжит бус чуулганыг зарлан хуралдуулах саналаа тавьбал хуралддаг юм гэнэ. Засгийн газрын тухайд бол нийт гишүүдийн дөрөвний нэг нь огцруулах саналаа оруулвал хэлэлцэх юм байна.

-Хариуцлагын асуудлыг шударгаар  тавьж байхад, яагаад хэлэлцдэггүй юм бол. Энэ талаар та юу хэлэх вэ?

-Уг нь энэ бол боломжтой асуудал. МАН гэхэд л УИХ-д 25 суудалтай шүү дээ. Гэтэл асуудал ярихаар гишүүд нь намынхаа бодлого, шийдвэрийн эсрэг кноп дардаг бололтой. Бас нэг анзаарагдаж байгаа зүйл нь УИХ-ын нэг анги гэдэг утгаараа асуудалд хандаад байх шиг. Дээр нь УИХ-д МАНАН-гийн угшил бүхий нөхдүүд байдаг, тэд нийлж тоглолт хийгээд байгаа юм. Тэр нөхдүүд  Монголын улс төрд  гай тарьж байна.

-Та хэвлэлд өгсөн ярилцлагдаа БНХАУ манай улсын нэрийг “Мангу” гэж ярьж, бичдэг. Тэрхүү хятад ханз нь “тэнэг, мангар” гэсэн ойлголтыг илэрхийлдэг. Үүнийгээ өөрчил гэсэн шаардлага тавина гэж байсан. Тэр юу болсон бэ?

-Бид шаардлагаа тавина. Энэ талаар болон бусад асуудлыг  өнөөдөр 16 цагт болох намуудын төлөөллүүдийн уулзалтаар ярьж, нэгдсэн байр сууриа тодорхой болгоно.