Д.ДАРАМБАЗАР

Монголын хүүхдийн спортын VII наадмын цанын буухиа төрөлд Булган аймгийн охидууд тэргүүн байр хүртлээ. Мөнгөн медалийг Орхон аймгийн баг тамирчид хүртсэн бол III байрт Төв аймгийн охид шалгарав.

Харин 4*3 км хөвгүүдийн зайд болсон хөвгүүдийн ангилалд Төв аймгийн тамирчид өрсөлдөгчдөө манлайллаа. Дэд байр Булган аймгийн хөвгүүд хурдалсан бол Өвөрхангай баг удаалсан юм.

Мөн энэ өдөр Монголын бүх ард түмний спортын өвлийн XVI наадмын гүйлтийн цанын спринт буюу 1,5 км тэмцээн боллоо. Тэмцээний эрэгтэйчүүдэд ОУХМ О.Золбаяр түрүүлсэн бол ОУХМ Б.Ачбадрах дэд байрь шалгарав. Эмэгтэйчүүдийн төрөлд Э.Ариунтунгалаг өрсөлдөгчдөө тэргүүлсэн бол Т.Ариунболд хоёрдугаар байрт шалгарлаа. Ингэснээр цанын тэмцээнийг Төв аймгийн баг тэргүүлж эхэллээ.

Эх сурвалж: www.polit.mn