• Зууны мэдээ сонин онлайн захиалга

Г.Ган-Өлзий өнгөрсөн оны амжилтаа ахиуллаа

 

Д.ДАРАМБАЗАР

“UNC-2023” 15 спорт холбооны нэгдсэн УАШТ-ий спорт брейкингийн төрөл өндөрлөлөө. Олимпын төрөлд багтсан брейк бүжгийн төрөлд “HATIRAA” буюу Г.Ган-Өлзий өнгөрсөн жилийн амжилтаа ахиулж, финалд 2022 оны аварга “DUK” Ч.Дөлгөөнийг ялж түрүүллээ. Энэ төрөлд хүрэл медалийг анх удаа оролцсон “Шейк” буюу Р.Чанарав хүртлээ. Харин ХИП ХОП төрөлд өнгөрсөн оны аварга TULGAA буюу Г.Мөнхтулга хошой аварга болж, “BUYNAA” Ж.Буянравжих мөнгөн медаль хүртлээ. Харин хүрэл медалийг анхны улсын аваргадаа оролцсон Г.Чингүүн хүртсэн байна. Түүнчлэн тэмцээний электрон төрөлд анх удаа оролцсон “KEN” түрүүлж, “МАНГАС” О.Мөнхзаяа удаалсан байна. Монголын спорт брейк бүжгийн холбоо, “UNC” хамтран хоёр дахь удаа зохион байгуулсан энэ тэмцээнд 40 гаруй тамирчин оролцож аваргуудаа тодруулсан юм. Манай тамирчид спорт брейкингийн төрлийн өнгөрсөн жилээс эхлэн ДАШТ-д өрсөлдөж эхэлсэн билээ.

Эх сурвалж: www.polit.mn

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.