С.САРУУЛ
УИХ дахь Эмэгтэй гишүүдээс хүүхэд хүчирхийлсэн гэмт хэргийн ялыг чангатгах өөрчлөлтийг Эрүүгийн хуульд оруулах талаар УИХ-ын гишүүн М.Билэгт, Д.Оюунхорол нар байр сууриа илэрхийллээ. УИХ-ын гишүүн Д.Оюунхорол “Нялх балчир хүүхдийг хүчирхийлсэн, тамлаг зовоосон асуудалд тодорхой шийдвэр гаргаж чадахгүй байна. Хүүхдийн эрхийг хамгаалах хууль байдаг ч ялын бодлого нь чамлалттай. Тиймээс УИХ дахь эмэгтэй гишүүдийн бүлэг Эрүүгийн хуулийн төсөл дээр ажиллаж байна. Бага насны хүүхдийг хүчирхийлсэн этгээдүүдийг бүх насаар нь гянданд хорих ял оноох өөрчлөлтийг Эрүүгийн хуульд оруулъя гэж үзэж байна. Мөн хүчингийн хэрэгтнүүдийг өршөөлийн хуульд хамруулахгүй. Ямар ч төрлийн өршөөлийн хуульд хүчингийн хэрэг хийсэн хүмүүсийг хамруулдаггүй байх өөрчлөлтийг Эрүүгийн хуульд оруулахаар ярьж байна. Өнөөдөр хүүхдийн хүчирхийллийн 80 гаруй хувь нь гэр бүлийнхээ хүрээнд үйлдэгдэж байна. Тиймээс Гэр бүлийн тухай хуулийг илүү чангатгах шаардлагатай. Хүүхдээ өсгөж хүмүүжүүлэхээс татгалзсан эцэг, эхчүүдэд тооцох хариуцлагыг чангаруулах нь зүйтэй. Хүүхдээ өсгөж, тэжээхээс татгалзаж байгаа эцэг, эхэд эрүүгийн хариуцлага хүлээлгэдэг байсан өмнөх заалтыг сэргээх шаардлагатай байна гэж үзэж байгаа” гэлээ.
2018 онд 519 хүчиндэх гэмт хэрэг бүртгэгдэж 487 хүн хохирсон. Үүний 238 нь хүүхэд хохирчээ.
Эх сурвалж: www.polit.mn
Д.Оюунхорол: Хүүхэд хүчирхийлэгчдийг бүх насаар нь хорьдог байхаар өөрчилнө
2019-05-03
Нийтэлсэн: Админ
 1 мин